२२ जेठ, काठमाडौं । काठमाडौंका व्यापारीहरुले सबै प्रकारका पसलहरु खुला गरेका छन् । उनिहरुले बिहीबार विहान काठमाडौंका मुख्य व्यापारीक केन्द्र न्यूरोड, कोटेश्वर, बौद्ध, भोटेबहाल, इन्द्रचोक लगायतका क्षेत्रका पसलहरु खुला गरेका हुन्।
साना उद्योगी तथा व्यवसायीहरुको संगठन नेपाल राष्ट्रिय व्यवसायी महासंघले बुधबार पसल खुला गर्ने निर्णय गरेसंगै सबै व्यापारीहरुले पसलहरु खुला गरेका हुन् । कतिपय व्यापारीले ग्राहकको तापक्रम नापेर र स्यानिटाइजर लगाउन दिएर मात्र पसलमा प्रवेश गराएका छन् ।
आजबाट दैनिक विहान ११ बजेसम्म सबै पसलहरु खुला हुने महासंगले जनाएको छ । पसलहरु खुला भए पनि नेपाल सरकारले तोकेको कोरोना संक्रमण फैलन नदिन अपनाउनु पर्ने सुरक्षा सतर्कता भने अपनाइने महासंघको भनाइ छ ।
लामो समयसदेखि व्यवसाय बन्द हुँदा धेरै ठूलो समस्या परेक कारण पसल व्यवसाय खोल्न बाध्य भएको महासंघको भनाइ छ ।
बानेश्वरलगायत क्षेत्रहरुमा विहानै पसल खोल्न पुगेका केही व्यवसायीहरुलाई भने प्रहरीले फर्काइदिएको छ । जबर्जस्ती खोले बल प्रयोग गर्ने प्रहरीको चेतावनी पछि वानेश्वर लगायतका केही क्षेत्रका पसलहरु भने खुल्न बाँकी रहेको महासंघले बताएको छ ।
यद्यपि, आजै सबै क्षेत्रका पसलहरु खुला गर्ने महासंघले बताएको छ । ‘अहिले न्युरोड, इन्द्रचोक, भोटेबहाल, कोटेश्वर लगायतका धेरै ठाउँका पसलहरु खुला भइसकेको छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved