आज यो वर्षकै सबैभन्दा चिसो, सावधानी जरुरी, यस्तो छ शनिबारसम्मको मौसम पूर्वानुमान

काठमाडौं । काठमाडौं उपत्यकामा यो वर्षकै सबैभन्दा चिसो भएको छ । बिहीबार बिहान यो वर्षकै सबैभन्दा न्यूनतम तापक्रम मापन गरिएको छ ।

बिहान ५ः४५ बजे काठमाडौंको तापक्रम १ डिग्री सेन्टिग्रेड मापन गरिएको छ । जल था मौसम विज्ञान विभाग मौसम पूर्वानुमान महाशाखाले बिहीबार बिहान गरेको मापनमा यो वर्षकै सबैभन्दा कम तापक्रम हो ।

यसअघि बुधबार काठमाडौं उपत्यकाको न्यूनतम तापक्रम २।९ डिग्री सेल्सियस रहेको थियो । अधिकतम तापक्रम १६।७ डिग्री रहेकामा बिहीबार पनि १६ देखि १८ डिग्री रहने पूर्वानुमान गरिएको छ ।

बिहीबार सबैभन्दा कम जुम्लाको तापक्रम माइनस ६।४ डिग्री सेल्सियस मापन गरिएको छ । बुधबार जुम्लामा माइनस ६/५ डिग्री थियो ।

बिहीबार देशका पूर्वी र पश्चिमी पहाडी भू–भागका थोरै स्थानहरुमा आंशिक बदली रही बाँकी भू–भागमा सामान्यतया मौसम सफा रहने मौसम पूर्वानुमान महाशाखाले जनाएको छ

हाल नेपालमा उल्लेखनीय मौसमी प्रणाली विकसित भएको छैन ।

राति देशको मध्य तथा पूर्वी भूभागका थोरै स्थानहरुमा आंशिक बदली रही बाँकी भूभागमा सामान्यतया मौसम सफा रहनेछ।

बिहानको समयमा तराईमा हुस्सु र कुहिरो लागेकाले यसबाट हुने चिसोको असर, यात्रामा पर्न सक्ने जोखिमको साथै अन्य प्रभावहरुबाट बच्न सतर्कता अपनाउन अनुरोध समेत गरिएको छ ।

शुक्रबारको पूर्वानुमानः देशका पहाडी भूभागमा आंशिक बदलीको अवस्था रही बाँकी भूभागमा सामान्यतया मौसम सफा रहनेछ। देशको मध्य तथा पूर्वी भूभागमा आंशिक बदली रही बाँकी भूभागमा सामान्यतया मौसम सफा रहने छ।

शनिबारको पूर्वानुमानः दिउँसो देशका पूर्वी पहाडी भूभागमा आंशिक बदलीको अवस्था रही बाँकी भभागमा सामान्यतया मौसम सफा रहने छ। राति देशको मध्य तथा पूर्वी भूभागमा आंशिक बदली रही बाँकी भूभागमा सामान्यतया मौसम सफा रहने छ।