मुकेश कुमार यादब, सिरहा । सिरहाको औरही गाउँपालीका ५ बाट एकजनालाई कोरोना भाईरस (कोभिड १९) आशंकमा जनकपुर लगिएको छ ।
दुवैबाट हालै घर आएका उनलाई अत्यधिक जरो आएपछि आज विहान कोरोना संक्रमण अशंकामा जनकपुर लगिएको बताइएको हो ।
दुवैबाट गत ७ गते घर आएका उनी परिवारसँगै बस्दै आएका थिए । उनलाई जनकपुरबाट थप उपचारको लागि काठमाडौं लाने तयारी भईरहेको वडाअध्यक्ष दिलिप यादवले जानकारी दिए । उनलेभने, ‘मेरो अहिले भर्खरै कुरा भएको थियो, उनलाई आशंका देखिएकोले काठमाडौं पठाउने तयारी भईरहेको छ ।’
वडा अध्यक्ष यादवले उनी आएपछि गाउँ मै बसेको र उनको सम्पर्कमा आएकाहरुको पहिचान गरी उनीहरुलाई सुरक्षीत तरीकाले राख्ने प्रवन्ध मिलाउन उनकै घरतर्फ गई रहेको जनाए । उनलेभने, ‘म सुरक्षा निकायसँगै उनकै घरतिर जाँदै छु, उनीहरुलाई आ–आफ्नै घरमा क्वारेन्टाइनमा राख्ने व्यवस्था मिलाउँछौं ।’
वैदेशिक रोजगारीबाट आएका र कामगर्न वा घुम्न भारत गएकाहरु पनि यो विचमा धेरै प्रवेश गरेकाले सिरहा लगायत तराईमा जोखिम देदिएको बताइन्छ ।
प्रतिक्रिया दिनुहोस
Copyright © 2019 / 2025 - Kalapanimedia.com All rights reserved
