आईजीपी बन्न दौड सुरु, ज्ञवाली र लम्साल मुख्य दाबेदार

आजका पत्रपत्रिकामा फरक फरक समाचारले स्थान पाएका छन् । अन्नपूर्ण बेस क्याम्पमा हिमपहिरोमा हराएकाहरुको उद्धारबारे सबै पत्रिकामा खबर छ । अझै ११ जना हराइरहेको प्रहरीले जनाएको छ । त्यस्तै बेपत्ता पारिएका व्यक्तिको छानबिन र सत्य निरूपण तथा मेलमिलाप आयोगको अध्यक्ष तथा सदस्यको नाम सिफारिस गरिएको विषयले आजका दैनिक अखबारहरूमा प्राथमिकता पाएका छन् ।

अनियमिततामा डुब्दै स्थानीय तह’ शीर्षकमा कान्तिपुरले केही उदाहरणसमेत प्रस्तुत गर्दै स्थानीय तहभित्रका बेथितिबारे कलम चलाएको छ । समाचार अनुसार, गाउँ–गाउँमा पुगेका सिंहदरबारहरू अनियमितताका अखडामा परिणत हुँदै जान थालेका छन् ।

आजको नागरिक दैनिक पत्रिकाले आईजीपी बन्न दौड सुरु भएको समाचार मुख्य बनाएको छ । नेपाल प्रहरीका महानिरीक्षक सर्वेन्द्र खनालसँगै तीन एआईजीपी पुष्कर कार्की, ठूले राई र धिरु बस्नेतले एकसाथ अवकाश पाउँदैछन् । योसँगै डीआईजीबाटै नयाँ आईजीपी बनाउनुपर्ने अवस्था सिर्जना भएको छ । समाचार अनुसार प्रदेश १ का डीआईजी ठाकुर ज्ञवाली र सुदूरपश्चिमका डीआईजी तारणी लम्साल आईजीपीका दाबेदारका रूपमा देखिएका छन् ।

नेपाल समाचार पत्रले मौसममा आएको बदलीले हवाई भिजिबिलिटी ५० मिटरभन्दा कम भएको समाचार बनाएको छ । समाचार अनुसारm दुई दिनको झरीपश्चात् बढेको भुइँ कुहिरोले त्रिभुवन अन्तर्राष्ट्रिय विमानस्थलको हवाई सेवा प्रत्यक्ष प्रभावित बनेको छ ।
अन्नपूर्ण पोस्ट्ले । बेपत्ता छानबिन आयोग र सत्य निरूपण तथा मेलमिलाप आयोगको अध्यक्ष तथा सदस्यको नाम सिफारिस गरिएको समाचार मुख्य बनाएको छ । भने थेतरा मेडिकल कलेज शिर्षकमा बढी शुल्क फिर्ता गर्नमेडिकल कलेजले आनाकानी गरेको खबर छापेको छ।