इटहरी । सुनसरीको इटहरी नमुना कलेजमा अध्ययनरत विद्यार्थीले बहु उपयोगी रोबोट निर्माण गरेका छन् । कलेज , विधालय अफिस तथा रेस्टुरेन्टमा रिसेप्सनको काम गर्न सक्ने गरी विशेष किसिमको प्रविधि जडित रोबोट बनाएका हुन् । उक्त रोबोटलाई वाइफाइको माध्यमबाट कम्प्युटर तथा मोबाइल एपको प्रयोग गरी नियन्त्रण गर्न सकिने रोवर्टको आवीस्करकर्ता विद्याथी प्रदिप शर्माको भनाइ छ । विद्यार्थीहरुले आफ्नै कलेजको सहयोगमा विभिन्न खालका नयाँ–नयाँ प्रबिधियुक्त सामाग्रीहरु निर्माण गर्न थालेपछि शिक्षकहरु समेत दंग पर्न थालेका छन् ।
विद्यार्थीहरुले बनाएका सामाग्री विद्यालयले विभिन्न स्थानमा हुने मेला महोत्सवमा प्रदर्शननै गर्ने गरेको छ । इटहरीमा जारी क्यान इन्फोटेकमा विद्यार्थीहरुले रोबर्टको पद्र्धशनी गरीरहेका छन ।माघ १ गते देखी सुरु भएको क्यान इन्फोटेक मेला सञ्चालन भइ रहेको छ । नयाँ नयाँ सूचना प्रविधिको बारेमा जानकारी दिने उद्देश्यले कम्प्युटर एशोशिएसन नेपाल सुनसरीले हरेक वर्ष क्यान इन्फोटक सञ्चाल गर्दै आएको छ । मेलाको भ्रमण गरेर सूचना प्रविधिको क्षेत्रमा भित्रिएका नयाँ नयाँ प्रविधिको विषयमा जानकारी प्राप्त गर्न सकिने क्यान सुनसरीका अध्यक्ष विशाल वास्तोलाले जानकारी दिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
