नारायणहिटीभित्र रेष्टुराँ खोल्न अनुमति दिएको छैन - योगेश भट्टराई

आरोप लगाउनेलाई पुष्टि गरेर देखाउन चुनौती

तत्कालीन संस्कृति पर्यटन तथा नागरिक उड्ययन मन्त्री योगेशकुमार भट्टराईले नारायणहिटी दरबार सङ्ग्रहालयभित्र कफी हाउस सञ्चालन अनुमतिबारे आफ्नो पालामा कुनै निर्णय नभएको बताएका छन्।
नेकपा एकीकृत समाजवादीका नेता कार्यकर्तासहितले आफ्नो पालामा उक्त निर्णय भएको आरोप लगाएपछि भट्टराईले त्यसको खण्डन गरेका हुन्।

उनले आफू पर्यटनमन्त्री हुनुअघि नै नारायणहिटी दरबार सङ्ग्रहालयभित्र कफी हाउसको पूर्वाधार बनिसकेको पनि बताएका छन्।

ुनारायणहिटी दरबार सङ्ग्रहालयबारे सार्वजनिक भएको समाचारप्रति मेरो गम्भीर ध्यानाकर्षण भएको छ। त्यस सम्बन्धी कुनै पनि निर्णयमा मेरो संलग्नता नरहेको स्पस्ट गर्दछुु, उनले भनेका छन्, त्यसबारेको कुनै पनि निर्णय मेरो जानकारीमा समेत नरहेको सविनय अनुरोध गर्दछु। आफ्नो संलग्नता नरहेको कुनै पनि कामप्रति मेरो जवाफदेहीता नरहने स्वतस् स्पस्ट छ।
उनले गर्दै नगरेको निर्णयलाई लिएर आफूलाई बदनाम गर्न खोजिएको भन्दै आपत्ति जनाएका छन्।
ुबिनाकसुर कसैको सार्वजनिक छविमा आँच आउने समाचार र टिप्पणी नगर्न सम्बन्धित सबैमा अनुरोध गर्दछुु, उनले भनेका छन्, ुमेरो संलग्नता रहेको भए सत्यतथ्य र मेरो हस्ताक्षरसहितको निर्णय कपी वा मेरो लिखित निर्देशन पत्र सार्वजनिक गर्न म चुनौती दिन्छु। म मन्त्री हुनुपूर्व नै त्यहाँ कफी हाउस बनिसकेको थियो।
नारायणहिटी दरबार संग्रहालयमा बतास समूहले कफी हाउससहितको रेष्टुराँ चलाउन लागेपछि त्यसको चर्को विरोध भएको थियो।
त्यो कफी हाउस तथा रेष्टुराँ पर्यटन मन्त्री प्रेम आलेले चलाउन नदिन मंगलबार मौखिक निर्देशन दिएका छन्। उनको निर्देशनपछि कफी हाउस खोल्ने निर्णय योगेशको भन्दै समाजवादीका नेता कार्यकर्ता उनीमाथि खन्निएका थिए।