कृत बिष्ट,कैलाली । भारतको ७१ औ स्वतन्त्रता दिवस कैलालीको सीमानाका गौरीफन्टा नाकामा भब्य कार्यक्रम गरि मनाइएको छ ।
उक्त कार्यक्रममा नेपालको तर्फबाट सहभागी प्रमुख अतिथी धनगढी उपमहानगरपालिकाका मेयर नृप बहादुर वड रहेका थिए । सो कार्यक्रममा बोल्दै मेयर वडले नेपाल भारतका सम्बन्ध दाजुभाईको जस्तै भएको बताए । उनले कैलाली कञ्चनपुरका सिमा क्षेत्रमा आउने विवादलाई मिलेर समाधान गर्नुपर्ने बताए । मेयर वडले नेपाल सानो मुलुक भएको बताउदै एकआपसमा सहयोग गर्न तयार रहेको बताए । पुस्तौ पुस्तादेखी चल्दै आएको नेपाल भारतको सम्बन्ध मिलेर अगाडी बढाउनुपर्ने बताउदै उनले भारतको ७१ औं स्वतन्त्रता दिवसको शुभकामना दिए ।
यस्तै भारतको तर्फबाट कार्यक्रममा प्रमुख अतिथी रहेका भारतको विश्व हिन्दु परिषद सान्धी डा। प्राचीले जवानको बिचमा गणतन्त्र दिवस मनाउन पाउनु भारतको लागी ठुलो सौभाग्य प्राप्त भएको बताइन् । उनले भारतको ७१ औं स्वतन्त्रता दिवसको शुभकामना व्यक्त गरिन् ।
उक्त दिवसको अवसरमा दुवै जनाले संयुक्त रुपमा भारतीय राष्ट्रिय झण्डाको झण्डोत्तोलन गरेका थिए । कार्यक्रममा भारतका विभिन्न विशिष्ट व्यक्तिहरुको उपस्तिथी रहेको थियो भने नेपालबाट सुरक्षाकर्मी, जनप्रतिनिधी, पत्रकार लगाएतको सहभागीता रहेको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
