बाराको श्री नेपाल राष्ट्रिय माध्यमिक विधालयमा निशुल्क स्वास्थ्य सिविर

गणेश रिजाल, बारा । मरवाना एस एल सी समूह २०५१ को आयोजनामा वृहत्त निशुल्क स्वास्थ्य शिविर सञ्चालन गरिएको छ ।
सिविरको जीतपुर सिमरा उपमहानगरपालिकाका प्रमुख प्रशासकीय अधिकृत शिवराज सेडाई आँखाको उपचार गराउदै उदघाटन भएको हो । बृहत् निशुल्क स्वास्थ्य शिविरमा दृष्टि आँखा अस्पताल बीरगंजको सहकार्य थियो । शिविरमा आँखा,बालरोग,स्त्रीरोग, हाडजोर्नी तथा नशारोग,मधुमेह तथा थाईराईडका गरि ७६४ जनाले स्वास्थ्य लाभ लिए । छ बटा रोगहरूको एकै स्थानबाट सेवा पाएको भन्दै सेवाग्राही पनि खुशि छन्। निशुल्क स्वास्थ्य शिविरमा ५२ जनाले निशुल्क चश्मा पाएको संस्थाका सचिव लक्ष्मण भट्टराईले जानकारी दिए ।

सेवा पाएकाहरूमा स्त्रीरोग तर्फ ८६ जना आँखा तर्फ ३९५ जना थाईराईड तथा मधुमेह तर्फ, १४३ जना हाडजोर्नी तर्फ, ९३ जना र बालरोग तर्फ, ४७ जनाले आखाको सेवा लिएको संस्थाका सल्लाहकार बरूण गौतमले जानकारी दिए। सिमरा उपमहानगरपालिकाका प्रमुख प्रशासकीय अधिकृत शिवराज सेडाईले यसरी बल्यकालका साथी एकतृत भएर यति बृहत कार्यक्रम गरेको देखेर आफुलाई समेत थप हौसला मिलेको बताए ।

बृहत स्वास्थ्य शिविरबाट बचेको करीब ५०,००० रूपैया बरावरको औषधी जीतपुर सिमरा उनपा १६मा रहेको स्वास्थ्य चौकी ,आधारभुत स्वास्थ्य प्रबर्द्धन केन्द्र र जीतपुर सिमरा उपमहानगरपालिकाको स्वास्थ्य शाखालाई हस्तान्तरण गर्ने संस्थाकी समाजसेबी रजनी भट्टराईले जानकारी दिइन् । कार्यक्रममा एसएलसी समूह २०५१ को तर्फबाट बृहत स्वास्थ्य शिविरका सहयोग गर्ने डाक्टरलाई प्रशंसा पत्र समेत प्रदान गरिएको थियोे ।