एकेन्द्र चन्द,
१४ माघ, डोटी ।
बडिकेदार गाउँपालिका ५ मा रहेको बडिकेदार धाम धार्मिक आस्थाको केन्द्र बन्दै गएको छ । यहाँ पुजा आराधना गरे मनले चाहेको पुरा हुने जनविश्वासका कारण बडिकेदार धार्मीक आस्थाको केन्द्र बन्दै गएको हो ।
कात्र्तिक सुक्ल पक्ष चतुदर्सिमा विशेष आजापुजा गरिने बडिकेदार स्थानीयको आस्थाको केन्द्र बन्दै गएको छ । विशेष त बडिकेदार र बोगटान गाउँपालिकाका विभिन्न गाउँहरुबाट धामीझाँक्री सहित केदार जाने र बडिकेदारमा व्रत बसेर गएपछी आफ्नो मनले मागेको पुरा भएको बिश्वासका साथ भक्तजनको घुइचो लाग्न थालेको हो ।
बडिकेदारको दर्शन गर्न स्थानीय मात्र होइन नेपालका दार्चुला, बैतडी, बझाङ,बजुरा, अछाम लगयत भारतबाट समेत दर्शनार्थीहरु आउने गरेका छ्न । वर्षको एक दिन मात्र नभएर बर्ष भरिनै मेला लगाउने बाताबरण बनाउन सके सुदुरपश्चिम प्रदेको प्रर्यटनमा बडिकेदार मुख्य आकर्षण केन्द्र बन्ने स्थानीयको भनाई छ ।
बडिकेदार मात्रै होइन बिभिन्न जिल्लामा रहेका यस्ता धार्मिक स्थलहरुको प्रचार प्रसार गर्न सक्ने हो भने त्यस ठाउँको अर्थतन्त्रमा पनि टेवा पुग्नेमा दुईमत छैन ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
