१४ माघ, बैतडी ।
बैतडीको दशरथचन्द नगरपालिका चार स्थित दशरथ प्राथमिक विद्यालयको भौतिक पूर्वाधार जिर्ण हुदा विद्यार्थीहरु जोखिममा अध्ययन गर्न बाध्य छन् ।
अधिकांश दलित बिद्यार्थीहरु अध्ययनरत विद्यालयको शैक्षिक तथा भौतिक पूर्वाधार जिर्ण भएको छ । विद्यालयको भवन जिर्ण भएका कारण विद्यार्थीहरु जोखिममा अध्यन गर्ने गरेका छन् । बिक्रमसंवत १९७६ सालमा स्थापना भएको पुरानो विद्यालयको भौतिक संचना निर्माण तथा मर्मतमा स्थानीय, प्रदेश र केन्द्र सरकारको कुनै पहलहुन सकेको छैन ।
विद्यालय भवनका भित्ताहरु सबै चर्किएका छन । जीर्ण भएको भवन सामान्य भुकम्प आए पनि भत्कन सक्ने त्रास रहको छ । वर्षाको समयमा भित्ताबाट पानी चुहिएर कक्षा कोठामा जाने गर्दछ । विद्यालयमा दलित बालबालिकाको बाहुल्य रहेको विद्यालयको तथ्यांकमा छ । हाल विद्यालयमा ५९ जना बालबालिका अध्यनरत छन् । जसमा ५६ दलित र तीनजना जनजाति विद्यार्थी रहेका छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
