सुनसरी । सुनसरीको बराहक्षेत्र नगरपालिकामा खानेपानीको धारा वितरण भएपछी स्थानिय उपभोक्ताहरु लाभान्वीत भएका छन् । महेन्द्रनगर साना सहरी खानेपानी तथा सरसफाई उपभोक्ता संस्थाले धारा वितरण गरेपछी स्थानियले सफा तथा शुद्ध पानी पिउने भएका छन् ।
विगतका वर्षहरुमा टुवेलबाट सहज रुपमा पानी नआउने आएपनि आर्सनीय फलाम मिसिएको पानी आउने गरेका कारण बराह क्षेत्रका मानिसहरु समस्यामा परेका थिए । महेन्द्रनगर साना सहरी खानेपानी तथा सरसफाई उपभोक्ता संस्थाले धारा वितरण गर्न थालेपछि बराहक्षेत्र बासी लाभान्वीत भएका छन् । बराह क्षेत्रबासीलाई लक्षितगरी ४ हजार ५ सय धारा वितरणको योजना सहित आयोजनाको काम भएको हो । हाल सम्म २७ सय धाराहरु वितरण गरेको संस्थाका अध्यक्ष भवानी धिमालले बताए । धारा वितरण गर्दा सुरुका दिनहरुमा केही कठिनाइहरु भएपनि हाल आएर उपभोक्ताहरु धारा जडानका लागि आउने गरेको अध्यक्ष धिमालको भनाई छ ।
विगतका बर्षमा आर्सनिक युक्त पानीका कारण बराह क्षेत्रका स्थानियहरु समस्यामा परेका थिए । खानेपानी संस्थाले धारा वितरण गरेपछी सफा र स्वच्छ पानी पिउन पाएकोमा स्थानिय खुसी भएका छन् ।
एशियाली विकास बैकको ७० प्रतिशत सहयोग, नगरविकास कोषको २५ प्रतिशत र उपभोक्ताहरुको ५ प्रतिशत गरी कुल २२ करोडको लागतमा खानेपानी आयोजना निर्माण सम्पन्न भएको हो । खानेपानी संस्थाले २०७२ सालबाट निर्माण कार्य थालेको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
