काठमाडौं । प्रतिनिधिसभाको बैठक दुईवटा शोक प्रस्ताव पारित गर्दै सकिएको छ। संसद भवन नयाँ बानेश्वरमा दिउँसो बसेको उक्त बैठकमा एमालेले अवरोध जारी राखेको छ । संसद बैठकमा प्रमुख प्रतिपक्षी नेकपा एमालेले नाराबाजीलाई निरन्तरता दिएको थियो।
सभामुख अग्निप्रसाद सापकोटाले बैठक सुरु गर्नेबित्तिकै एमाले सांसदहरु आफ्नो स्थानबाट उठेर वेल घेराउ गर्दै नाराबाजीमा उत्रिएका थिए।
उनीहरुले गैर सांसदहरुलाई निषेध गर, संवैधानिक सर्वोच्चता कायम गर, संसदमा भेदभावपूर्ण व्यवहार बन्द गर जस्ता नारा लगाएका थिए।
यो बैठकमा प्रधानमन्त्री शेरबहादुर देउवाको तर्फबाट कानुन मन्त्री दिलेन्द्र बडुले ुथारु आयोगको तेस्रो वार्षिक प्रतिवेदन आ।व। २०७७/०७८ पेश गरेका छन्।
त्यस्तै दोस्रो कार्यसूची अनुसार सभामुख अग्नि सापकोटाले तीन शोक प्रस्तावहरू प्रस्तुत गरेका छन्। दलहरुबीच सहमति भइनसकेकाले बुधबारको संसदमा एमसीसी पेश भएन।
प्रधानमन्त्री देउवाले बिहीबार दिउँसो ३ बजेका लागि पाँच दलीय गठबन्धनको बैठक बोलाएका छन्।
उक्त बैठकमा सहमति जुटाएर शुक्रबार दिउँसो बस्ने बैठकमा एमसीसी अघि बढाउने सम्भावना रहेको छ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
