जाडोमा तपाइको ओठ फुट्छ ? यि उपाय अपनाउनुस्

जाडो मौसम सुरु भएसँगै धेरै मानिसहरुमा छाला फुट्चिने समस्या हुन्छन् । जाडोमा छाला सुख्खा हुने भएकाले छाला फुट्ने गर्दछ ्र जाडो मौसममा ओठ फुट्ने समस्या आउने गर्दछ । जाडोमा ओठको बाहिरी भाग फुटेर रगतै आउने अवस्था सम्म बन्न जाने भएका कारण यसबाट बच्नका लागि यी उपायहरु उपनाउन जरुरी हुन्छ ।
१. लिपबाम दल्नुस्
ओठ फुट्न नदिन वा फुटिहालेपनि समय–समयमा ओठमा लिपबाम दल्ने गर्नुस्। भिटामिन ई र मौरीको चाकायुक्त लिपबाम लगाउनु अझ राम्रो हुन्छ।

२. स्क्रब गर्नुस्

फुटेको ओठमा मृत छालाका पत्र हुन्छन्, जसले तपाईंलाई अस्वस्थ र अनाकर्षक देखाउन सक्छ। यसका लागि स्क्रब प्रयोग गरेर यस्ता मृत छाला हटाउनुपर्छ । चिनीमा चिल्लो तरल पदार्थ हाली स्क्रब बनाएर ओठमा रगड्ने ग¥यो भने मृत छाला हट्छ र ओठ सुन्दर बन्छ। यसका लागि दाँत माझ्ने ब्रसले बिस्तारै ओठ सफा गर्न पनि सकिन्छ। यसरी सफा गरेपछि लिपबाम प्रयोग गर्न बिर्सनु हुँदैन ।

३. ओठमा नकोट्याउनुस्

ओठमा जमेका मृत छाला औँला अथवा नङले कोट्याएर निकाल्ने गर्नु हुँदैन। नत्र घाउ लाग्न सक्छ र ओठबाट रगत समेत बग्न सक्छ ।

४. बाममाथिबाट लिपस्टिक लगाउनुस्

जाडो मौसमा लिपस्टिक लगाउनुअघि ओठमा लिपबाम लगाई सुक्न दिनुपर्छ र त्यसमाथि लिपस्टिक लगाउनुपर्छ। यसले ओठमा अतिरिक्त म्वइस्चराइजर उपलब्ध गराउँछ ।

५. ओठ नचाट्नुस्

जाडोमा ओठ सुख्खा हुने भएकाले ओठ फुट्ने गर्छ। ओठको सुखापन हटाउन ओठमा जिब्रो घुमाउने धेरैको बानी हुन्छ। यस्तो गर्नु हुँदैन। यस्तो गर्नाले ओठ अझ बढी सुखा हुन्छ। र ओठ सुख्खा भए फुट्ने गर्छ ।