राजा ज्ञानेन्द्रको प्रश्न विवादित समाजको चक्रव्यूहले प्रजातन्त्रलाई कता पू¥याई रहेको छ ?

काठमाडौं । राजा ज्ञानेन्द्र शाहले पछिल्ला दशकमा भइरहेको अभ्यासले प्रजातन्त्रको नाममा एकतालाई संकटापन्न अवस्थामा पू¥याएको र जनतालाई निराशाको दहमा डुबाउंदै लगेको बताउनु भएको छ ।

७२ औं राष्ट्रिय प्रजातन्त्र दिवसको पूर्व सन्ध्यामा आज शुक्रबार शूभकामना सन्देश जारी गर्दै राजा शाहले राजा र जनताको सहमतिबाट खडा भएको नेपाल राष्ट्रमा निषेध र विभेदको राजनीतिले मुलुक दिन प्रतिदिन जटिलता तर्फ फस्दै गएको संकेत गर्नु भएको हो । उहाँले मुलकमा यस्तो संकट आउनुमा नेतृत्वको मात्र दोष नभएर शासन प्रणाली कै दोष भएको तर्क गर्नु भएको छ ।

अरुले ओढाई दिएको आसमानमूनि छिरेर ओभानो बन्ने र धरातलका मान्यतालाई भूल्ने परिपाटी प्रजातन्त्र हून नसक्ने भन्दै उहाँले जनतालाई भोक, रोग र शोकमा राख्नु प्रजातन्त्रको मुल्य मान्यता नभएको बताउनु भएको छ । प्रजातन्त्र निर्देशित र नियन्त्रित नहुने भन्दै शाहले स्वदेशकोे प्रकृति र परिवेशबाट पृथक भएर बाह्य लोभ, प्रलोभनमा नपर्न पनि राजनीतिक दलका नेताहरुलाई आग्रह गर्नु भएको छ ।

उहाँले रानीतिक दलहरुलाई अलमलिएको सरकार, भत्किएको संसद, बिग्रिएको न्यायालय, भांत्किएको निर्वाचन प्रणाली र विभाजित समाजको चक्रव्यूहले प्रजातन्त्रलाई कता पु¥याई रहेको छ भन्ने प्रश्न गर्नु भएको छ । राजा शाहले अमेरिकाले दिने भनिएको सहयोग एमसीसी तर्फ संकेत गर्दै कसैले कसैलाई दिने दान अनूदान प्रजातन्त्र नभएको उल्लेख गर्नु भएको छ ।