भिम पौडेल
बाँके । आईतवार बिहानै नेपालगञ्ज उपमहानगरपालिका ६ मा एक युवा मृत फेला परेका छन् । नेपालगनञ्ज उपमहानगरपालिका २२, पुरैनीका बिहारीलाल पासीका छोरा २२ बर्षिय मनोज पासीआईतबार बिहान नेपालगन्ज उपमहानगरपालिका ६ हुलाकी सडकको छेउमा रहेको पानीको नालामा मृत अवस्थामा फेला परेको जिल्ला प्रहरी कार्यालय बाँकेले जनाएको हो।
मृतकको आजै तिलक अर्थात केटी संग बिहेको छिनोफानो गरी फागुन ७ गते बिबाह समेत हुने भएको थियो । उनि राती १० बजे पछी साथिको बाईक पु¥याउन जान्छु भनि घरबाट निस्कियको उनको परिवारको भनाइ छ ।
यता, मृतक पासी सडकको छेउमा रहेको नालामा डुबेको अवस्थामा फेला परेको र मृतकको नजिकै हेलमेट बिनाको दुर्घटनाग्रस्त भे २ प ३३७८ नम्बरको मोटरसाइकल समेत रहेको प्रहरीले जनाएको छ । शवलाई पोस्टमार्टमका लागि भेरी अस्पताल नेपालगञ्जमा लगिएको छ । घटना के कसरी भएको हो भन्ने बिषयमा प्रहरी ले छानबीन अगाडि बढाएको र पोस्टमार्टमको रिपोर्ट पछि मात्र बताउन सकिने प्रहरीले जनाएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
