जुनसुकै तहको होस दोषीलार्य छोडिन्न -प्रधानमन्त्री ओली

्काठमाडौं । प्रधानमन्त्री केपी ओलीले ललिता निवास जग्गा हिनमिना प्रकरणमा दोषी जुनसुकै तहको भए पनि कारबाही हुने बताउनुभएको छ ।

‘आरोपीहरु अदालतबाट फैसला नभएसम्म दोषी हुन्नन्’ प्रधानमन्त्रीले शनिबार प्रतिनिधिसभामा भन्नुभयो, ‘ललिता निवास जग्गा हिनामिना प्रकरण छानविनको लागि मैले नै छानविन समिति बनाए । जग्गा र प्रधानमन्त्री निवास भएको हुनाले जग्गा प्रधानमन्त्रीले नै खाएको हो जस्तो गरी प्रचारवाची समेत गरियो, त्यसमा संलग्नहरुविरुद्ध अहिले मुद्दा चलेको छ । दुराचारी र दुराचार, भ्रष्टचारी र भ्रष्टचार सहन्न । दुराचारी र भ्रष्टचारीप्रति मुखमा पानी हालेर बस्दिन । मुलुकमा सुशासन कायम गर्न खोज्दा भ्रष्टाचार गर्नेहरु मुर्मुरिँदा रहेछन् । भ्रष्टचारी र दुराचारी जतिसुकै तह र जुनसुकै ओहोदाको होस् छोडिन्न ।’
प्रधानमन्त्रीले ललिता निवास प्रकरणलाई चिनियाँ लोककथासँग दाँज्नु भयो । चिनियाँ लोक कथा छ, ड्रगन सम्बन्धी’ उहाँले भन्नुभयो । ड्रगन असाध्यै मन पराउने एउटा व्यक्ति थियो । उसले सधै ड्रगन बनाइरहन्थ्यो, उसको भक्तिभाव देखेर एकदिन ड्रगन आँफै प्रकट भयो । ललिता निवास प्रकरणमा पनि त्यस्तै भएको छ । मुद्दा नचलुन्जेल सबैले खोइ त कारबाही रु भनेर औला ठड्याए । जब मुद्द चल्यो अनि रुवाबासी हुन थाल्यो ।’

प्रधानमन्त्रीले नेपाल ट्रष्टको जग्गा हिनामिना प्रकरण पनि ललिता निवास जस्तै छानविन र कारबाही हुने प्रतिवद्धता जाहेर गर्नुभयो । ‘नेपाल ट्रष्टको जग्गामा पनि समिति बनाएर छानविन हुन्छ’ उहाँले भन्नुभयो, ‘सुन तस्करीका लाइन बन्द गरिएको छ । जंगलमा लुकाइए र जमिनमुनि गाडिएका सुन पनि निकालेर कारबाही गरिएको छ ।’