काठमाडौं । संखुवासभाको मादीमा बस दुर्घटना हुँदा १४ जनाको मृत्यु भएको छ । संखुवासभाबाट झापाको दमकतर्फ जाँदै गरेको बा ४ ख ७३५ नम्बरको बस आज बिहान करिब साढे ७ बजे तिर संखुवासभाको मादी नगरपालिका वडा नं. ६ सातघुम्ती भन्ने स्थानमा दुर्घटना भएको हो । दुर्घटनामा १४ जनाको मृत्यु पुष्टि भएको मादी नगरपालिका ६ का वडा अध्यक्ष नारायण तामाङले जानकारी दिए।
तामाङले दुर्घटनामा ५ जनाको जीवितै उद्धार गरिएपनि २ जना गम्भिर रहेकाले हेलकोप्टर मार्फत काठमाडौं ल्याउने तयारी भएरहेको बताए । अन्य तिन जना घाइतेको स्थानिय चरिकोट नगर अस्पतालमा उपचार भइरहेको जनाइएको छ ।
जीवितै उद्धार हुनेहरुमा सुवास गोले, युका पोखरेल, तुलसा कडुवाल, बलबहादुर कार्की र अम्बिका कार्की रहेको बडाध्यक्ष तामाङले बताए । बसमा सवार १९ देखि २१ जना यात्रु रहेको जनाइएको छ । बस सडकबाट करिब ३ सय मिटर तल खसेको थियो । अहिले पनि उद्धार कार्य जारी रहेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
