काठमाडौं । काठमाडौंको आकाश तुवाँलोले ढाक्दा बिहान र साँझ घाम लाग्न छाडेका बेला बुधबार बिहान क्षणिक वर्षा भएको छ । केहीदिन यता काठमाडौंमा प्रदूषण पनि ह्वात्तै बढेको छ । काठमाडौंको बुधबार बिहान ७ बजेको एयर क्वालिटी इन्डेक्स १६२ रहेको छ । यो विश्वभरकै पाँचौँ खराब हो । काठमाडौं भन्दा अगाडि लाहोर, ढाका, जकार्ता र दिल्ली अगाडि रहेका छन् । प्रदूषणले गर्दा बाहिर स्वच्छ हावा बहन सकेको छैन । यसले बालबालिकादेखि वृद्धवृद्धासम्म स्वासप्रश्वासको समस्या थपिने देखिएको छ ।
तर, बिहान वर्षा हुँदा राहत महसुस गरिएको छ । मौसम पूर्वानुमान महाशाखाका अनुसार भारतको बिहार आसपास रहेको न्यून चापीय प्रणाली र स्थानीय वायुको प्रभाव नेपालमा रहेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
