काठमाडौं । नेपाल आयल निगमले फेरी पेट्रोल, डिजेल र मट्टीतेलको मूल्य वद्धि गरेको छ ।
निगम सञ्चालक समितिको आइतबार बसेको बैठकले पेट्रोलमा प्रतिलिटर २१ र डिजेल÷मट्टितेलमा २७ रुपैयाँ वृद्धि गर्ने निर्णय गरेको हो ।
नयाँ मूल्य आइतबार राति १२ बजेदेखि नै लागू भएको छ । नयाँ मुल्यसूची अनुसार पेट्रोल १९९ र डिजेल मट्टितेल १९२ तिर्नुपर्नेछ । त्यसैगरी निगमले हवाई इन्धनमा पनि आन्तरिक तर्फ १९ रुपैयाँले वृद्धि गरी १८५ रुपैयाँ प्रतिलिटर पु¥याएको छ ।
खाना पकाउने ग्याँसको मूल्य भने यथावत राखिएको नेपाल आयल निगमले जनाएको छ । एलपी ग्याँसको मूल्य हाल प्रतिसिलिण्डर एक हजार ८ सय रुपैयाँ छ । निमगले यसअघि जेठ २६ गते पेट्रोल, डिजेल र मट्टीतेलको भाउ बढाएको थियो ।
भारतीय आयल कर्पोरेसन आईओसी पछिल्लोपटक पठाएको मूल्य सूचीअनुसार समायोजन गरेर भाउ बढाइएको निगमले बताएको छ । निगमका अनुसार प्रतिसिलिन्डर एक हजार ८ सयमा बिक्री भइरहेको खाना पकाउने एलपी ग्यासमा पनि उसलाई ७५१.१४ रूपैयाँ घाटा छ । नयाँ मूल्यमा बेच्दा पनि १५ दिनमा दुई अर्ब ३५ करोडभन्दा धेरै घाटा हुने निगमले बताएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
