काठमाडौं । आज राजा ज्ञानेन्द्र शाहको ७६ औँ जन्मदिन । जन्मदिनको अवसरमा काठमाडौं लगायत देशका मुख्य शहर पोखरा, विरगन्ज, बिराटनगर र कञ्चनपुर लगायतका ठाउँमा विभिन्न कार्यक्रम आयोजना गरि मनाइएको छ ।
आफूलाई राष्ट्रवादी नागरिकका रूपमा चिनाउने युवा र विभिन्न सङ्घसंस्थाले विभिन्न कार्यक्रम गरी जन्मोत्सव मनाएका हुन् । राजा भने परिवारका साथ यति वेला थाइल्यान्डमा हुनुहुन्छ । राजा देशबाहिर या सत्ताबाहिर नै रहे पनि उहाँका समर्थकले उहाँको जन्मदिन भव्यताका साथ मनाउने गरेका छन् ।
जन्मोत्सवमा सहभागी युवाले राजा रानीको फोटो अङ्कित टिसर्ट र नेपालको झन्डा समेत बाँडेर जन्मदिन मनाएका छन् । राजावादी युवाको समूहले भृकुटीमण्डप हुँदै नारायणहिटी दरबार सङ्ग्रहालय परिक्रमा गरेका थिए । नारायणहिटी पुगेर उनीहरुले ‘दरबार खाली गर’ भन्दै नारा लगाएका थिए । उनीहरूले राजा ज्ञानेन्द्र शाह देशको स्वाभिमान, एकता र वीरताका प्रतीक भएको पनि बताए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
