राष्ट्रिय विभुति भिमसेन थापाको २४८औँ जन्मजयन्ति मनाइयो, देउवा बोल्न लाग्दा नाराबाजी

काठमाडौं । नेपाल एकिकरण अभियानका एक महारथी,प्रथम प्रधानमन्त्री तथा राष्ट्रिय विभुति भिमसेन थापाको २४८औँ जन्मजयन्ति धुमधामकासाथ मनाइएको छ । राष्ट्रिय विभूति भीमसेन थापा स्मृति प्रतिष्ठानको आयोजनामा जन्मजयन्ति कार्यक्रम मनाइएको हो । जयन्तिका अवसरमा प्रधानमन्त्री शेरबहादुर देउवाले भिमशेन थापाप्रति श्रद्धान्जली अर्पण गर्दै प्रतिष्ठानले प्रदान गरेको एक लाख नगद पुरस्कार र सम्मान पत्र वीर भक्ति थापा प्रतिष्ठानलाई प्रदान गरेका थिए ।

प्रधानमनत्री देउवाले भीमसेन थापाको बहुआयामिक व्यतित्व बारे प्रकाश पारेका थिए। यस्तै प्रा.डा. त्रिरत्न मानन्धर, प्रा.डा. मोहन लोहनी , प्रा.डा. पार्थिबेश्वर तिमिल्सिना, प्रा.डा. रामप्रसाद दाहाल, प्रतिस्ठानका महासचिव लक्षमण थापा र भक्ती थापा प्रतिस्ठानका अध्यक्ष रोहित थापा लगायतले मन्तव्य राखेका थिए । प्रतिष्ठानका कोसाध्यक्ष सुशील बिक्रम थापाले भीमसेन थापाको बारेमा लेखिएको पुस्तक र बृत चित्र रहेको पेनड्राइभ प्रधानमन्त्री देउवा लाई प्रदान गरेका थिए।

यता प्रधानमन्त्री शेरबहादुर देउवाले सम्बोधन गर्न लाग्दा नागरिकता विधेयक र एमसीसीको विरोध गर्दै एक युवाले नाराबाजी गरेका छन् । एक युवाले प्लेकार्डसहित नागरिकता विधेयक खारेज गर, एमसीसीको मतियार शेरबहादुर देउवा मुर्दावाद, राष्ट्रियताको रक्षा गरौं, स्वाधीनताको रक्षा गरौंजस्ता नारा लगाएर विरोधमा उत्रिएका थिए । नारा लगाउन थालेपछि ती युवालाई सुरक्षाकर्मीले बाहिर निकालेका थिए।