काठमाडौं । राजधानीको फोहोर विसर्जन गर्न निरन्तर अवरोध भएपछि काठमाडौं महानगरपालिकाका मेयर बालेन्द्र साह बालेनले प्रधानमन्त्री शेरबहादुर देउवासँग भेटेर अवरोध हटाईदिन आग्रह गरेका छन् ।
मंगलबार साँझ प्रधानमन्त्री देउवासँग भेटेर मेयर साहले फोहोर लिएर गएका गाडी तोडफोड गर्ने गिरोहमाथि कारबाही गर्न र स्थानीयसँगको सहमति अनुसार सडक निर्माणको काम तत्काल गरिदिन आग्रह गरेका हुन् ।
त्यसपछि प्रधानमन्त्री देउवाले तत्कालै प्रहरी महानिरीक्षक धिरजप्रताप सिंहलाई फोन गरेर तोडफोडमा संलग्न किटानी उजुरी परेकाहरुलाई तत्काल पक्राउ गर्न निर्देशन दिएको बताइएको छ ।
यस्तै, प्रधानमन्त्री देउवाले भौतिक पूर्वाधार मन्त्रालयका सचिव गोपाल प्रसाद सिग्देललाई फोन गरेर अलपत्र सडक निर्माणलाई पूरा गर्न पनि निर्देशन दिनुभएको प्रधानमन्त्री देउवाका प्रेस सल्लाहकार गोविन्द परियारले जानकारी दिएका छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
