विद्यालय असपास धुमपान गरे १० हजार जरिवाना

कुमार खड्का
मोरङ। सामुदायिक विद्यालय अन्र्तगतको विज्ञान संकायमा प्रदेशकै उत्कृष्ट विद्यालयको रुपमा रहेको पञ्चायत माविले आफ्नो ४० औँ वार्षिकोत्सव तथा बृहत विज्ञान प्रदर्शनि भव्य रुपमा थालनी गरेको छ ।

२०३६ सालमा स्थापना भएको विद्यालयले आफ्नो ४० औँ वर्षको यात्रा पार गर्दा १ नम्वर प्रदेशमै उत्कृष्ट विद्यालयको रुपमा उभ्याउन सफल भएको एक मात्र सामुदायिक विद्यालय हो । सोही उत्कृष्टतालाई कायम राख्दै विद्यालयले आफ्नो ४० औ वार्षिक उत्सवमा ३ दिने वृहत विज्ञान प्रर्दशनीको समेत आयोजना गरेको छ । पर्दशनी फागुन २३ गते सम्म चल्ने छ ।

प्रर्दशनीमा विद्यार्थीहरुले २ वर्ष सम्म सिकेको सैद्धान्तिक ज्ञानलाई व्यावहारमा उर्तादै स्थानिय स्तरमा पाईने वस्तुहरको प्रयोग गरि निर्माण गरिएका रोबट, ड्रोन, मिसाइल, भूतघर लगायतका ५० बढि स्टलहरु रहेका छन् । ३ दिने विज्ञान प्रर्दशनीको उद्घाटन प्रदेश १ का सामाजिक विकास मन्त्री जिवन घिमिरेले गरेका छन् । विज्ञान संकायमा प्रदेशकै उत्कृष्ट रहेको विद्यालयले कार्यक्रमको उद्धघाटन विद्यार्थीहरुले निर्माण गरेको रोवर्टले रिवन काटेर गर्नु मन्त्रि घिमिरेले गरेका थिए । विद्यार्थीले नै निर्माण गरेको ड्रोन द्वारा पुष्प बर्षा गरिएको थियो ।

मन्त्रि घिमिरेले आफु मन्त्रि भएर आए सगै आफ्नो पहिलो चुनौतिका रुपमा सामुदायिक विद्यालयको गुणस्तर अभिबृद्धि रहेको बताउदै विद्यालयको गुणस्तरलाई मध्य नजर गर्दै प्रदेश सरकारले विभिन्न निति तथा कार्यक्रम ल्याएको बताए । जस अनुरुप प्रदेश सरकारले सबै विद्यालयहरुमा अनिवार्य रुपमा पूर्व विद्यार्थी मञ्च, आमा समुह गठन गर्नुपर्ने अवधारणा ल्याएको मन्त्रि घिमिरले बताए । साथै घिमिरेले प्रदेश सरकारले सरकारी विद्यालय, सरकारी कार्यालय तथा सार्वजनिक स्थलमा धुम्रपान, मधपान पनि निषेध गरेको बताउए । साथै मन्त्रि घिमिरेले अभिभावकको रोजाइमा संस्थागत विद्यालयहरु पर्दै गएपछि नेपालीको प्रयोग कम हुदैँ गएको बताए ।

जसको कारण नेपाली भाषा नै संकटकको स्थितिमा पुग्ने खतरा बढ्दै गएको बताउदै मन्त्रि घिमिरेले अब संस्थागत विद्यालयको सुविधा सामुदायिक विद्यालयहरुले दिनु पर्नै धारणा राख्नु भयो ।
२३ गते सम्म चल्ने विज्ञान प्रदर्शनीमा स्टल अवलोकनका लागि छिमेकी पालिकाहरु र इटहरी, धरान, विराटनगर, दमक लगायतका ठाउँहरुबाट समेत विद्यार्थी तथा अभिभावकहरुको घुईचो लागको छ ।

सो अवसरमा विद्यालयले पूर्व विद्यार्थी सम्मान, अवकास प्राप्त शिक्षकहरु र यो शैक्षिक वर्षमा विद्यालय छाडेका शिक्षकहरुलाई सम्मान सहित विदाइ परीक्षामा उत्कृष्ट विद्यार्थीहरुलाई पुरस्कार वितरण, अक्षय कोष मार्फत गरिब तथा जेहेन्दार विद्यार्थीहरुलाई छात्रवृत्ति वितरण सहितको कार्यक्रम सम्पन्न गरेको छ । कार्यक्रममा शैक्षिक सत्र २०७६ को आर्थिक प्रतिवेदन तथा आगामी कार्यक्रम प्रधानध्यापक अर्जुन कुमार बुढाथोकीले प्रस्तुत गर्नु भएको थियो कार्यक्रम शुक्रवार समापन हुनेछ ।