फेरी अड्कियो राप्रपाको हलो

काठमाडौं । राष्ट्रिय प्रजातन्त्र पार्टी र राप्रपा संयुक्त बीच हुने भनिएको एकता प्रक्रिया फेरी पनि रोकिएको छ ।

राप्रपा प्रवक्ता शुसिल श्रेष्ठका अनुसार, हिजो शुक्रबारै पार्टी एकीकरणबारे सहमतिपत्रमा हस्ताक्षर गर्ने सर्बत्र चर्चा भएपनि शनिबार बिहान १० वजे हस्ताक्षर गरिने भएको थियो । राप्रपा संयुक्तले थप केही छलफल आवाश्यक परेको भन्दै समय माग गरेपछि दिउसो एक बजेकालागि हस्ताक्षर सारियोे । तर त्यो समयपनि टरेको छ ।

प्रवक्ता श्रेष्ठले हाम्रो कालापानी संग कुरा गर्दै भने, महाधिवेशन अगावै चुनाव चिन्हको टुंगो लगाउने सहमति सहित शनिबार बिहान १० बजे हस्ताक्षर गर्ने समझदारी भएपनि राप्रपा संयुक्तका कारण अपरान्ह १ बजेसम्म सर्यो । तर यतिवेला सम्मपनि उहाँहरुले केही निर्णय दिन सक्नु भएको छैन । आँशा छ, रामै्र निणय गर्नु हुनेछ । हाम्रो तर्फबाट सबै तयारी भइसकेकाले उहाँहरुको प्रतीक्षामा छौँ ।

यतिवेला कमल थापा नेतृत्वको राप्रपा एकताकालागि लचक देखिएपनि राप्रपा संयुक्तले भने कुनै न कुनै बहाना देखाउदै पन्छिन खोजेको छ । बिगतमा पनि पटक पटक एकता गर्ने भन्दै चुनाव चिन्ह होस वा अन्य कुनै कारण देखाउदै एकता भाड्दै आएको राप्रपा संयुक्तले यतिबेलापनि चुनाव चिन्ह, केन्द्रीय समिति सदस्यको सङ्ख्या र केन्द्रीय कार्य सम्पादन समितिको सङ्ख्या निर्क्योलका बारेमा समस्या परेको भन्दै पछि हटेको जनाइएको छ ।

तर, यस विषयमा पनि राप्रपाको तर्फबाट भने कुनै समस्या नभएको प्रवक्ता श्रेष्ठले जानकारी दिए । श्रेष्ठका अनुसार, तीन जना अध्यक्षले केन्द्रीय कार्यसमिति र कार्य सम्पादन समूहको सङ्ख्या तोक्ने समझदारी भइसकेकाले समस्या छैन, पार्टी एकता गर्ने कि नगर्ने भन्ने राप्रपा संयुक्तको हातमा छ । उहाँहरुको मनमा के छ हामीलाई थाहा छैन, तर हाम्रोतर्फबाट कुनै समस्या छैन।’ हामी पार्टी एकता हुनेमा आँशावादी छौ, श्रेष्ठले भने ।