नेपाल अस्थिर राजनीतिकको भूमरीमा फस्यो युवराज्ञी हिमानी शाह (भिडियोसहित)

काठमाडौं । युवराज्ञी हिमानी शाहले नेपालले अहिले अस्थिर राजनीतिक परिस्थितिको सामना गर्नु परेको बताउनु भएको छ । बडादशैँका अवसरमा एक शुभकामना संदेश दिदै युवराज्ञी शाहले विविधतामा एकता भएको हाम्रो र गौरवशाली वीरहरु, सगरमाथा र गौतम बुद्धको देश नेपालले उतिवेला अनेकौँ विषम र जटिल परिस्थितिसंग सामना गर्नु परेको बताउनु भएको हो । उहाँले यस्तो अवस्थामा देशकालागि “हामीले नगरे कसले गर्ने रु अहिले नगरे कहिले गर्ने रु तसर्थ आज देशलाई कर्मठ जनशक्तिको आवश्यकता छ । विकसित राष्ट्रहरुको रुपमा उभिएको नेपाललाई आज पौरखी हात र साथको आवश्यकता छ । विदेशमा पढेको ज्ञान र सिकेको सीप आफ्नै देशमा खर्चने बेला आएको छ ।”

यसैगरी हिमानी कोषको अध्यक्षसमेत रहनुभएकी शाहले एक भिडियो सन्देश जारी गर्दै स्वदेश तथा विदेशी भूमिमा रहने नेपालीहरु र अस्ट्रेलिया तथा अमेरिकालाई कर्मथलो बनाएर रहेका नेपाली आमाबुबा, दाजुभाइ दिदीबहिनी एवं हिमानी कोष अस्ट्रेलिया र अमेरिका च्याप्टरका सम्पूर्ण सदस्यलाई बडादशैँको शुभकामना दिनुभएको छ ।
उहाँले जन्मभूमि नेपालको माटोमा मिठो सुगन्ध, सौन्दर्य, आफ्नै अस्तित्व र प्रतिष्ठा, आफ्नै भाषा, धर्म, संस्कृति, प्राकृतिक सभ्यता, शिष्टता र पहिचान छ भन्दै आज सबै एकजुट भएर हातेमालो गर्दै देश निर्माणमा लाग्न आग्रह गर्नुभएको छ ।

युवराज्ञी हिमानी शाहले जारी गर्नुभएको भिडियो सन्देशको पूर्णपाठ यस्तो छ :

नमस्ते,
मुटुभरि देशको माया हुँदा हुँदै पनि छातीमा देशको तस्बिर सजिएता पनि विदेशी कर्मभूमिमा बसेर पसिना भोग्नुपर्ने तपाईं हाम्रो बाध्यता हो । जन्मभूमिलाई कर्मभूमि बनाउन नसक्नु धेरै कारण हुन सक्दछ । थोरैको रहर र धेरैको बाध्यता हुनसक्दछ ।

जन्मभूमि नेपाल यहाँको माटोमा मिठो सुगन्ध छ । सौन्दर्य छ । मौलिक, सांस्कृतिक छन् । अनि आफ्नै अस्तित्व र प्रतिष्ठा छ । आफ्नै भाषा, धर्म, संस्कृति, प्राकृतिक सभ्यता, शिष्टता र पहिचान छ । विविधतामा एकता भएको हाम्रो देश नेपालले अहिले अस्थिर नेपाली राजनीतिक परिस्थितिको सामना गरिरहेको छ ।

गौरवशाली वीरहरु सगरमाथाको गौतम बुद्धको देश नेपाल आज अनेकौँ विषम र जटिल परिस्थितिमा फसेको हामीमाझ स्पष्ट छ । हामीले नगरे कसले गर्ने रु अहिले नगरे कहिले गर्ने रु तसर्थ आज देशलाई कर्मठ जनशक्तिको आवश्यकता छ । विकसित राष्ट्रहरुको रुपमा उभिएको नेपाललाई आज पौरखी हात र साथको आवश्यकता छ । विदेशमा पढेको ज्ञान र सिकेको सीप आफ्नै देशमा खर्चने बेला आएको छ ।

आज सबै एकजुट भएर हातेमालो गर्दै देश निर्माणमा लाग्न ढिलो त भइसकेको छैन भन्ने आह्वानका साथ सबैलाई सोच्न आग्रह गर्दछु । हाम्रो चाडबाडले सजिएको सुन्दर देशको एक ठूलो पर्व बडादशैँको अवसरमा अस्ट्रेलिया र अमेरिकालाई कर्मथलो बनाएर रहनुभएका समस्त नेपाल आमाबुबा, दाजुभाइ दिदीबहिनी एवं यस हिमानी कोष अस्ट्रेलिया र अमेरिका च्याप्टरका सम्पूर्ण सदस्यहरुलाई माता भवानीले सधैँ आशीर्वाद दिउन् भनी शुभच्छाका साथ समृद्धि, आयु र आरोग्यका लागि हार्दिक मङ्गलमय शुभकामना दिन चाहन्छु । धन्यवाद ।