काठमाडौं । दुर्गा पर्साइले काठमाडौंमा गर्न लागेको कार्यक्रममा कमल थापा नेतृत्वको राप्रपा नेपालले पनि साथ दिने भएको छ । राष्ट्र, राष्ट्रियता, धर्म, संस्कृति तथा नागरिक वचाउ अभियानका संयोजक पर्साइले भोली शनिबार काठमाडौंमा गर्न लागेको जन आन्दोनमा थापाले पनि आफ्नो पार्टीको साथ रहने जनाएका हुन। अध्यक्ष थापाले सामाजिक संजाल मार्फत भोलीको कार्यक्रममा उपस्थित हुन पार्टीका कार्यकर्तालाई समेत आहावान गरेका छन् ।
उनले लेखेका छन्, सनातन धर्म संस्कृतिको रक्षाको निम्ति हुने कार्यमा राप्रपा नेपालको सदैव सहयोग र एक्यबद्धता रहने छ। फागुन २० गते काठमाडौंको वानेश्वरमा राष्ट्रियता,धर्म र संस्कृति बचाउने महाअभियानुद्वारा आयोजित सभा सफलपार्ने काममा सहयोग गर्न राप्रपा नेपालका साथीहरुलाई आह्वान गर्दछु ।
उसो त थापा यतिवेला राजसंस्थाको मुद्धा छाडेर गणतन्त्रबादी बनेका छन् । तर, उनको यतिवेलाका वक्तव्य भने गणतन्त्र भद्रगोल भयो, व्यवस्था परिवर्तन हुनुपर्छ लगायत अभिव्यक्तिले उनको राजसंस्था प्रतिको मोह कायम नै रहेछ भन्ने विश्लेषण हुन थालेका छन् ।
अझ राजा ज्ञानेन्द्र नै सहभागी भएको दुर्गा पर्साईको कार्यक्रममा राजाकै एजेण्डा लिएर जनतामाझ होमीएको लिङदेन नेतृत्वको राप्रपाले आफ्ना कार्यकर्तालाई कार्यक्रममा सहभागी नहुन ह्विप नै जारी गर्नु र थापाले सहभागिता जनाउनुले उनिप्रति कार्यकर्ताको आस्था समेत बढ्न थालेको देखिएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
