काठमाडौं । राजा ज्ञानेन्द्र शाह १० दिने भारत भ्रमणमा जान लाग्नु भएको छ ।
करिब डेढ महिनाअघि सिलगुढी हुँदै दार्जिलिङ पुग्नु भएका राजा ज्ञानेन्द्र परिवारका सम्पूर्ण सदस्यसहित शुक्रबार भारतको लखनऊ जान लाग्नु भएको हो। उहाँ दुई महिनाको बीचमा दोस्रोपटक भारत जान लाग्नु भएको हो।
राजा शाहसँगै रानी कोमल, बुहारी हिमानी, छोरी प्रेरणा, धिरेन्द्रपुत्रीहरू दिलाशा, शिताष्मा र पूजालगायतको टोली भारत भ्रमणमा निस्कन लागेको राजाका सम्बाद सचिव फणीन्द्र राज पाठकले बताउनु भयो ।
युवराज पारस भने निर्मल निवासमै रहनु हुने जनाइएको छ । उत्तर प्रदेशका मुख्यमन्त्री योगी आदित्यनाथको निमन्त्रणामा राज परिवारका सदस्य भारत भ्रमणमा जान लाग्नु भएको बताइएको छ ।
राजा शाहले लखनउमै १० दिन बिताउने हो वा नयाँ दिल्लीलगायत अन्य राज्यको पनि भ्रमण गर्ने भन्ने विषयमा टुङ्गो लागेको छैन । उहाकोको सम्पूर्ण व्यवस्था मुख्यमन्त्री योगी आदित्यनाथले गर्नेछन् । राज परिवारको सुरक्षाको जिम्मा भारतको उत्तर प्रदेश सरकारले नै लिएको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
