काठमाडौं । पछिल्लो समयका चर्चित गजलरगीत ‘के लत बस्यो’, ‘हेर दिन ढल्यो’ का गायक तथा संगीतकार तिलकसिंह पेलाको आवाजमा अर्को नयाँ गीत आएकाउ छ ।
गीतकार हेमन्त विवशको रचना र पेलाको आवाजमा ‘देउसरा आईगै’ बोलको गीत ४ असोजमा सार्वजनिक गरिएको हो । यस गीतमा पेलाकै आवाज छ भने गीतको लयवद्ध पनि पेलाले नै गरेका हुन् । गीतको भिडियोमा मानसखण्डीय भाषा, संस्कृति, परम्परा एवम् सभ्यतासम्बन्धी विभिन्न दृष्य (हुड्केली, ठाडोखेल, छलिया नृत्य, होली, धामी कामेको आदि)समावेश गरिएको छ।
मानसखण्डीय सभ्यता अत्यन्त बृहत् एवम् विशेष छ । यस सभ्यतामा सांस्कृतिक परम्पराभन्दा पनि अझै धेरै विशाल विषय वस्तुहरू प्रचलनमा रहीआएका भएपनि ५/७ मिनेटको म्युजिक भिडियोमा ती सम्पूर्ण परम्परागत दृष्यहरू समावेश गर्न असम्भव भएकाले तीमध्येका केही विशेष दृष्यहरू मात्र समावेश गरिएको पेलाको भनाई छ ।
मानस खण्डीयसभ्यताले हाल भारतको गढवाल, कुमाउॅ देखी कालि कर्णालीको उद्गम मानसरोवर सम्मको कला सॅस्कृति, परम्परा एवम् सभ्यतालाई जनाउने गरेको पेलाको भनाई छ ।
म्युजिक भिडियो तिलकसिंह पेलाको आफ्नै युट्युब च्यानल मार्फत हेर्न सकिने छ । जसको लिंक यहाँ राअिएको छ ।
https://www.youtube.com/watch?v=1rcGiKbTYCQ
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
