काठमाडौं । राजा ज्ञानेन्द्र शाहले ललितपुरको पाटन दरबार क्षेत्रलगायतको अवलोकन भ्रमण गर्नु भएको छ।
राजा शाहले सोमबार अपराह्न पाटन दरबार क्षेत्रको अवलोकन गर्नु भएको हो। साथै उहाँले पाटनको गोल्डेन टेम्पल, बगलामुखी, कुम्भेश्वर, पाटन दरबार क्षेत्रमा रहेका भीमसेन र कृष्ण मन्दिरलगायतमा पूजाआजासमेत गर्नु भएको थियो।
पाटन लगायत स्थानमा राजालाई स्थानीयले भब्य स्वागत गरेका थिए। स्थानीयले राजा आउने खुसियालीमा त्यस क्षेत्रका सडक तथा बाटोघाटो सरसफाई गरेर चिटिक्क पारेका थिए ।
यता राष्ट्रवादी युवाहरुले राजाको स्वागतमा दिउँसो २:३० बजे बाटै कुपन्डोल हनुमानस्थान नजिकबाट मोटरसाईकल ¥याली लिकालिएका थिए । उनिहरुले कुपन्डोलको हिमालयन होटेल हुँदै पाटन ढोका, चाकुपाट, इमुखेल चिलड्रेन पार्क हुँदै नाग बाहाल, घौगल, माहापाल चोक र मंगलबजार चोकमा जम्मा भएर राजा ज्ञानेन्द्रको स्वागत गरेका हुन् ।
राजा शाहले पाटन क्षेत्रको पुजाआजा र अवलोकन समपन्न भए पछी राष्ट्रवादी युवाहरुको ¥याली पुन मंगलबजार चोकबाट माहापाल, गाबाहल, पुल्चोक, जवलाखेल बिरेन्द्र सालिक हुँदै पुन पुल्चोक भएर कुपण्डोल हुँदै निर्मल निवास सम्म राजालाई छोड्न गएको युवा नेता निरन्जन थापाले बताए।
युवाहरु सबैले राष्ट्रिय झण्डा बोकेका थिए ।
प्रतिक्रिया दिनुहोस
Copyright © 2019 / 2025 - Kalapanimedia.com All rights reserved
