महेन्द्रनगर । भीमदत्त नगरपालिका ९ ब्रह्मदेब बजार डुबानमा परेको छ ।
चुरेबाट आउने गहताडी खोलाको बाढी पसेपछि बजार डुबानमा परेको हो । बाढीले बजार सहित आशपासका वस्ती पनि डुबानमा छन् ।
ब्रम्हदेबका स्थानीय ब्यापारी ललित जोशी भन्छन, गहताडी खोलाको सतह बृद्धि भएर ब्रम्हदेब गाँउमा आएको गाँउमा आएको वाढी बजारमा पुगेको हो ।, ‘अरु बेला यसरी खोलाको सतह बृद्धि हुँदैन्थ्यो तर यस पटक खोलाको वहाव बढेर गाँउमा उल्टिएको छ ।’ हरेक पसलमा भल पसेर लुगा कपडा लगायत सरसमान भिजेर नास भएको छ,। जोशीले आफ्नै पनि पसलभित्र पानी पसेर लाखौं को लुगा कपडा भिजेर काम नलाग्ने भएको बताए ।
उनले आफू लगायत ब्रम्हदेब सीमावर्ती बजारमा तीन सय पसल डुबानमा परेर व्यवसायीको लाखौँको समान भिजेर नष्ट भएको बताए ।
गहताडी खोलाको डुवानले ब्रम्हदेब बजार सहित आसपासका गाँउबस्ती, खल्लामछेट्टीमा समेत डुबान भएको छ । ब्रम्हदेब र खल्लामछेट्टीको विच भएर महाकालीमा मिसिने गहताडी खोला एक्कासी उर्लिएपछि खेतीयोग्य जमिन कटान, गाँउबस्ती बजार डुवानमा परेको हो ।
यस्तै भाँसी खोलाले भीमदत्त नगरपालिका २ जनज्योतीटोलदेखि भण्डारी टोलहुँदै निम्बुखेडासम्म तटिय क्षेत्रका स्थानीयका घर डुवानमा परेका छन । त्यस खोला छेउछाउका महुलिया सम्मका स्थानीय का घर दुबान मा परेका छन ।
उता कनकट्टी खोलाको पानी गाउँ पसेर भिमदत्त २ उल्टाखामक कनकट्टि खोला छेउछाउका घर डुबानमा परेको स्थानीय मनमोहन जोशिले बताए । उनले खोलामा बलुवा थुपारिए पछि खोला बस्ती पसेको तर यसतर्फ न बेदकोट नगरनपालिका न भिमदत्त नगरपालिकाले ध्यन दिएको गुनासो गरे । उनी भन्छन, यो खोलाले हरेक वर्ष गाउ घर डुबान गरेर सताएको छ,बाली नाली सबै बगाएर लैजाने, घर भित्रको अन्नपात समेत भिजाएर खान अयोग्य बनाउछ तर पनि यसतर्फ कसैको ध्यान नगएको बताउछ्न ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved