काठमाडौं । जेन-जी पुस्ताको आन्दोलनका क्रममा प्रहरीको गोली लागि घाइते भएका एक युवकको मृत्यु भएको छ।
मीनभवनस्थित सिभिल अस्पतालमा उपचारको लागि लगिएका एक जनाको उपचारको क्रममा मृत्यु भएको अस्पतालका निर्देशक डा.मोहनचन्द्र रेग्मीले जानकारी दिए। उनले भने 'घाइते अवस्थामा उपचारको लागि इमर्जेन्सीमा ल्याइएका एक जना पुरुषको मृत्यु भएको छ'। उनका अनुसार मृतकको परिचय खुलेको छैन।
निर्देशक डा रेग्मीले यतिखेर सिभिलको इमर्जेन्सीमा आन्दोलनमा घाइते भएकाहरूको भीड लागेको र इमर्जेन्सीमा थेग्न नसकेर अन्य अस्पतालमा रेफर गरिएको बताए।
घाइतेहरूको एभरेष्टलगायत अन्य नजिकका अस्पतालहरूमा समेत उपचार भइरहेको छ।
प्रतिक्रिया दिनुहोस
Copyright © 2019 / 2026 - Kalapanimedia.com All rights reserved
