काठमाडौं । राष्ट्रिय प्रजातन्त्र पार्टी (राप्रपा)ले भारतको मिचाहा प्रवृत्तिको भत्सर्ना गरेको छ। आइतबार विज्ञप्ति सार्वजनिक गर्दै राप्रपाका अध्यक्षत्रयले भारतीय प्रवृत्तिको आलोचना गरेको हो।
‘सन् १८१६ को सुगौली सन्धि अनुरुप महाकाली नदी पूर्वका लिम्पियाधुरा, कालापानी र लिपुलेक क्षेत्र नेपालको अभिवाज्य भूमि हो’, विज्ञप्तिमा भनिएको छ, ‘यो सुस्पष्ट यथार्थका वावजुद करिव ७ दशकदेखि त्यस क्षेत्रमा नेपालको भूभाग अतिक्रमण गर्ने तथा कालापानीमा आफ्नो सेना राख्ने कार्य छिमेकी मित्रराष्ट्र भारतले जारी राखेको छ। भारत सरकारको यस्तो मिचाहा प्रवृत्तिको राप्रपा भत्सर्ना गर्दछ।’
भारत सरकारको अनाधिकृत व्यवहारको नेपाल सरकारले पटकपटक विरोध गर्दा पनि उसले समाधान नखोजेको राप्रपाको भनाइ छ। ‘विवादको विषयमा वार्ताको माध्यमबाट समस्याको समाधान गर्ने दुवै पक्षबाट सहमति पनि भएको छ। उक्त सहमति अनुसार वार्ताबाट समस्या समाधान गर्ने तथा नेपाली भूमीबाट भारतीय सेना फिर्ता लैजानुको सट्टा भारतले सो क्षेत्रमा एकपक्षीय ढंगबाट सडक बनाई यातयात संचालन कार्य शुरु गरेको छ’, विज्ञप्तिमा थप भनिएको छ।
राप्रपाले लिपुलेक नेपाल, भारत र चिनको त्रिदेशीय विन्दु भएको थाहा हुँदा समेत नेपालसँगको परामर्श र सहमति विना नै उक्त क्षेत्रलाई भारतसँग दुईपक्षिय व्यापारिक नाका बनाउने र यातायातको निमित्त खोल्न अनुमति र सहमति प्रदान गर्ने छिमेकी चीनको नीतिप्रतिसमेत आपत्ति जनाएको छ।
‘यस सम्बन्धमा नेपाल सरकारको निष्कृयता र उदासिनता खेदजनक छ। वक्तव्य जारी गरेर मात्र आफ्नो जिम्मेवारी पूरा हुने सरकारको सोचाई रहेको पाईन्छ’, विज्ञप्तिमा भनिएको छ, ‘त्यसर्थ, यसवारे देहायका कार्यहरु तर्फ राप्रपा नेपाल सरकारको ध्यानाकर्षण गर्दछ।’
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
