कविता - लाग्दैन उस्काे भर
कविता - लाग्दैन उस्काे भर
छन्द - शार्दूलविक्रीडित
- यज्ञराज उपाध्याय
विश्वमै कलिकाे कराल कलना बढ्दै गयाे झन्झन ।
प्रभावीत भए अस्वस्त रितले लाखाैँ कराेडाैँ मन ।।
सारा लाेक बसे भयातुर भई आफै नजर्बन्दमा ।
लागे गाउन गीत काैरवहरू षड्यन्त्रकाे छन्दमा ।।
काेराेनासित लड्न छाेडि मुखिया उल्टै भिभीषण् बनी ।
छाेड्याे सारथिलाइ कान्तिपुरमा पक्रेर ल्याऊ भनी ।।
दाैडे दूतहरू विहानिपखमै उन्मत्त घाेडा सरी ।
गर्जे सुण्ड र मुण्ड युध्दभुमिमा जित्ने अपेक्षा गरी ।।
उद्दत् छन् कलिका छली दुतहरू संख्या बढाऊनमै ।
सारै ब्यस्त छ रे अस्वस्थ शकुनी पासा लडाऊनमै ।।
गर्ने आस बढाउदै घरिघरी हीमाल आराेहण ।
कुर्सी लालचमा फस्याे शकुनिकाे बाहूबली रावण ।।
चूके के गरि आज पाण्डवहरू अर्जूनदृष्टी दिन ।
हस्तीनापुर पाउने रहरमा मख्खै छ दूर्याेधन ।।
द्राेणाचार्य निरीहझै बनिरहे भन्दै म लाै के गरू।
सीमामै अलपत्र छन् कतिकती बन्धू र बान्धवहरू ।।
जूवा खेल्न सधै जुट्याे घरमुली लाग्दैन उस्काे भर ।
आगाे लाउन तम्तयार किन हाे ? आफ्नै नहाे त्याे घर ।।
पर्दै छन् दिनदीन लालचिहरू माकूरिकाे जालमा ।
गान्धारी किन माैन छन् शकुनिकाे यस्ताे कुटिल् चालमा ? ।।
२०७७ साल ज्येष्ठ १ गते
बुध्दनगर काठमाडाै
