काठमाडौं : जिल्ला अस्पताल धनकुटाकी नर्ससहित आईतबार साँझ थप ३ जनामा कोरोना भाइरस संक्रमित पुष्टि भएको छ ।
नर्स धनकुटाकी भएपनि बाँकी २ जना संक्रमित विराटनगरका रहेका छन् । संक्रमितहरू विराटनगर महानगरपालिका–६ र १६ का वासिन्दा हुन् ।
धरानस्थित बीपी कोइराला स्वास्थ्य विज्ञान प्रतिष्ठानको प्रयोगशालामा गरिएको परीक्षणमा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
यससँगै नेपालमा कोरोना संक्रमितको संख्या २९५ पुगेको छ । जसमध्ये २ जनाको मृत्यु भएको छ । आईतवार मात्रै बाँकेका २५ वर्षीय युवकको मृत्युपछि कोरोना पुष्टि भएको छ ।
देशभरका संक्रमितमध्ये ३६ जना निको भएर घर फर्किसकेका छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
