बैतडीमा थुनुवा कक्षमा रहेका युवकमा कोरोना पोजेटिभ
जनक साउद,बैतडी ।
जिल्ला प्रहरी कार्यालय बैतडीको थुनुवा कक्षमा रहेका एक युवकमा कोरोना पोजेटिभ देखिएको छ । शिवनाथ गाउपालिका वडा नं १ का २२ वर्षीय युवकमा कोरोना पोजेटिभ देखिएको हो ।
उनलाई प्रहरीले बैशाख १५ गते कर्तब्य ज्यानको मुद्धामा पक्राउ गरिएको थियो । उनि चैत्र ६ गते भारतबाट आएका बुझिएको छ ।
३ दिन पहिले जिल्ला स्वास्थ्य कार्यालय बैतडी मार्फत कोरोना परिक्षणका लागि स्वाव संकलन गरिएकोमा आज कोरोना पोजेटिभ देखिएको स्वास्थ्य कार्यालय बैतडीले जनाएको छ ।
