मनोज माझी, राजविराज । सप्तरीको कञ्चनरुप नगरपालिका ११ सीमरा चौक निवासी एक गर्भवती महिलाको मंगलबार ज्यान गएपछि उनको उपचारमा गर्ने चिकित्सक होम क्वारेन्टाइनमा बसेका छन् ।
यहि जेठ ८ गते जरो र पिसाव पोल्ने समस्या भएको भन्दै आएकी २४ वर्षिय ममता माझीको उपचार गर्ने चिकित्सक स्थित स्त्री रोग विशेषज्ञ डाक्टर विनिता यादव होम क्ािरेन्टाइमा बस्नुभएको हो । मंगलबार बिहान ७ बजे घरमै मृत्यु भएकि महिलामा कोरोना भए-नभएको पुष्टी गर्न मंगलबारै स्वाब संकलन गरी परिक्षणको लागि धरान स्थित विपि कोईराला स्वास्थ्य विज्ञान प्रतिष्ठान पठाईएको छ ।
१ सय २ डिग्री ज्वरो देखिएपछि डाक्टर यादवले उनको पिसाव समेत जाच गर्न लगाउनु भएको थियो । पिसावमा इन्फेक्सन देखिएपछि कोरोनाको आरडिटी जाँचको लागि समेत डा. यादवले उनलाई गजेन्द्र नारायण सिंह अस्पतालमा जान सुझाव दिएको बताइन् । तत्काल केही औषधी लेखीदिएर आवश्यक जाच पश्चात घरमै सुरक्षितसाथ बस्न आफुले सल्लाह समेत दिएको डा.यादवको भनाई छ ।
तर उनको आरडिटी परिक्षण नै नगराई उतैबाट उनका पति माझीले घर लगेका थिए । पत्नीलाई जचाउन दिएको सल्लाह माझीले नमान्दा अकालमै गर्भवती महिलाको ज्यान गएको डा. यादवको भनाई छ । मृतक गर्भवती महिलाका पति माझीले घरमै सुरक्षित साथ राखिएको पत्नीको ज्वरो निको भएपनि सोमबार अवेर राती अचानक स्वासप्रस्वासमा समस्या देखिएको बताइन ।
पत्नीमा खासै समस्या नदेखिएकाले डाक्टरले आरडिटी परिक्षण गर्न दिएको सुझाव पालना गर्न ढिलाई भएको माझीको भनाइ छ । यता गर्भवती महिलाको जाच गर्ने डा.यादवले कोरोना जाच नगराई ती युवतीको शंकास्पद मृत्यु भएका कारण आफू समेत अहिले घरमै क्वारेन्टाईनमा बस्न बाध्य भएको बताइन ।
आरडिटी परिक्षण गराउन सम्झाउँदा पनि महिलाका आफन्तले बेवास्ता गर्दा अब मृतकको पिसीआर रिर्पोट नआउञ्जेल सम्म आफूपनि होम क्वारेन्टाईनमा बस्ने डा. यादवको भनाइ छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
