मंसीर १४ गते हुने प्रतिनिधि सभाका लागि कास्की निर्वाचन क्षेत्र नम्बर २ उप–निर्वाचन तथा तेह्रौं दक्षिण एसियाली खेलकुद (साग)लाई लक्षित गरेर कास्की प्रहरीले सुरक्षा ब्यबस्था कडा पारेको छ ।
मंसीर १५ गतेबाट हुने तेह्रौं दक्षिण एसियाली खेलकुद (साग) प्रतियोगितालाई पनि मध्य नजर गर्दै सुरक्षा ब्यवस्था चुस्त पारिएको कास्कीका प्रहरी प्रमुख प्रहरी उपरिक्षक (एसपी) दानबहादुर कार्कीले जानकारी दिए । चुनावमा हुने सुरक्षा संवेदनशीलतालाई ध्यानमा राखेर सुरक्षा ब्यबस्था कडा पारिएको बताउँदै चुनाव र साग प्रतियोगिता भरी कहिंकतै कुनैपनि घट्ना हुन नदिन प्रहरी सचेत ढंगले लागेको उनको भनाइ छ ।
एसपी कार्कीले प्रभाव र दवाबबाट मुक्त भएर भोट हाल्ने वातावरण बनाउने दाबी गरे । उनले कास्कीमा अवाञ्छित कृयाकलाप गर्नेहरुबाट सुरक्षा चुनौति रहेको उल्लेख गरे ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
