बिराटनगर । प्रदेश १ बाट थप २८ जना कोरोना संक्रमित बिहीबार डिस्चार्ज हुने भएका छन् । विराटनगरको कोसी अस्पताल, कोभिड-१९ उपचार केन्द्रमा उपचार गराइरहेका २८ जनाको रिपोर्ट नेगेटिभ आएपछि उनीहरु आज डिस्चार्ज हुन लागेका हुन् ।
उदयपुरका ४, झापाका ७, मोरङका ६, सुनसरीका ४, सप्तरीका २ धनकुटाका ४ र खोटाङका एक गरी जम्मा २८ जना डिस्चार्ज हुँदैछन् । उनीहरु मध्ये ६ जनामहिला र २२ जना पुरुष छन । कोरोनामुक्त भएकाहरुलाई बिहीबार दिउँसो डिस्चार्ज गर्ने प्रदेश १ सकारले तयारी गरेको छ ।
योसँगै प्रदेश १ मा कोरोना मुक्त हुनेको संख्या ७६ पुगेको छ । यसअघि विपी कोइराला स्वास्थ्य विज्ञान प्रतिष्ठान धरानबाट १८ जना र विराटनगरबाट ३० जना निको भएर घर फर्किसकेका छन् ।
अस्पतालमा बिहिबार आएको रिपोर्टमा ३१ जनाको रिपोर्ट नेगेटिभ आएको हो । अस्पतालमा उदयपुरबाट पनि संक्रमितहरु ल्याइएको थियो जसमध्ये भुल्केका १ जना महिला बाहेक उदयपुरका सबैको रिपोर्ट नेगेटिभ आएको हो । ती सबैको आज दिउँसो २ बजे डिस्चार्ज गर्ने तयारी भइरहेको छ ।
प्राइम टाइम्स टेलिभिजनका उदयपुर संवाददाताले जिते कोरना
उदयपुरको भुल्केका संक्रमितहरुमा प्राइम टाइम्स टेलिभिजनका उदयपुर संवाददाता राकेश नेपालीपनि उपचारार्थ थिए । उनिसंगै आज अन्य तिन जना दिउसो कोरोना जितेर घर फर्किदै गरेको संक्रमितहरुको स्वाव परिक्षण गर्ने मेडिकल टिमका डा डिएन प्रसाद चौधरीले जानकारी दिए ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
