काठमाडौं । विश्वभर कोरोना संक्रमणको अवस्था थामिएको छैन । निको हुनेको दरमा उल्लेख्य सुधार भए पनि दैनिक संक्रमित एक लाखभन्दा बढी थपिँदै गएका छन् । समाचार तयार पार्दाको समय सम्म विश्वमा ४ लाख ६ हजार १ सय ७ जनाको मृत्यु भइसकेको छ ।
विश्वभर कोरोना संक्रमणको सबैभन्दा बढी अशर देखिने देशमा चीली पनि थपिएको छ । पछिल्लो २४ घण्टामा मात्रै चीलीमा सबैभन्दा बढी ६ सय ४९ जनाको मृत्यु भएको छ भने ६ हजार ४ सय ५ संक्रमित थपिएका छन् । योसहित चीलीमा कुल मृतकको संख्या २ हजार १ सय ९० पुगेको छ भने कुल संक्रमितको संख्या १ लाख ३४ हजार १ सय ५० पुगेको छ ।
पछिल्लो २४ घण्टामा चीलीपछि सबैभन्दा बढी मृत्यु हुनेमा ब्राजिल परेको छ । यो अवधिमा ब्राजिलमा ५ सय ४२ जनाको मृत्यु भएको छ भने १८ हजार ३ सय ७५ संक्रमित भएका छन् । अमेरिकामा भने मृतकको संख्या यो अवधिमा निकै घटेको छ । अमेरिकामा ३ सय ७३ जनाको मृत्यु हुँदा १८ हजार ६ सय ८८ संक्रमित थपिएका छन् ।
यस्तै, २४ घण्टा भित्र मेक्सिकोमा ३ सय ४१ जनाको मृत्यु हुँदा ३ हजार ५ सय ९३ जना संक्रमित भएका छन् । सोही अवधिमा भारतमा २ सय ६१ जनाको मृत्यु भएको छ भने १० हजार ८ सय ८४ संक्रमित थपिएका छन् । सोही अवधिमा पेरुमा पनि १ सय ६४ जनाले ज्यान गुमाउँदा ४ हजार ७ सय ५७ संक्रमित थपिएका छन् ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
