काठमाडौं । राप्रपा सांसद राजेन्द्र लिङदेनले प्रधानमन्त्री केपी शर्मा ओलीले भ्रष्टाचारमा नियन्त्रण भएको छ भन्ने कुरामा कुनै सत्यता नरहेको बताएका छन् ।
प्रतिनिधिसभाको बुधवारको बैठकमा प्रधानमन्त्रीओलीले आफू मातहतका कार्यालयका सम्बन्धमा उठेका प्रश्नको जवाफ दिएपछि पूरक प्रश्न गर्दै सांसद लिङ्देनले माथिल्लो तह देखी तल्लोतहसम्म भ्रष्टाचार कायम भएकाले भ्रस्टाचार छैन भनेर ढाट्न नहुने बताएका हुन् ।
उनले पछिल्लो समय कोरोना नियन्त्रणका समयमा पनि भ्रष्टाचार र अनियमितताका घट्ना बाहिर आइरहेको भन्दै सरकारले भनेजस्तो अवस्था नरहेको बताए ।
उनले भने,’केही भएन भनेर त म भन्दिन तर कोरोना नियन्त्रणका सम्बन्धमा सरकारले जे गरिरहेको छ र प्रधानमन्त्रीले जे बुझ्नुभएको छ त्यो सत्य छैन ।’
स्वास्थ्य मन्त्रालयले कोरोना संक्रमितहरुलाई पुनः परीक्षण नगरी घर पठाउनु भन्ने निर्णयले संक्रमणको जोखिम बढेको भन्दै यस्तो लापरवाही किन भइरहेको छ भन्दै प्रधानमन्त्रीलाई प्रश्न गरे ।
‘स्वास्थ्य मन्त्रालयको निर्देशन भन्दै मेरो निर्वाचन क्षेत्र कचनकवलका ३० जना कोरोना संक्रमितलाई रिटेस्ट नगरी घर फर्काउन लागिएको थियो । हामीले हुँदैन भनेपछि फेरि परीक्षण भयो र उनीहरु मध्ये ५ जनामा फेरि संक्रमण देखियो । यस्तो लापरवाही भइरहेको छ ?
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
