प्रबिधिको बिकास भए संगै हुलाक सेवा संकटमा

हुलाकको नयाँ भूमिकाको खोजी र पुनःसंरचना गरिनुपर्नेे आबश्यकता 

कपिलवस्तु,
अनिलकुमार माली ।
कुनै समय व्यक्तिगत तथा पारिवारिक सूचना आदानप्रदान गर्न प्रमुख साधन बनेको नेपाली हुलाक सेवाको अस्तित्व अहिले संकटमा परेको छ । केन्द्रदेखि गाविस स्तरसम्म संरचना विस्तार गरेर वि.स १९३५ देखि सेवा दिँदै आएको हुलाक सेवा मेवाइल र इमेल इन्टरनेटको विकास भएपछि संकटमा परेको हो ।

अहिले चिठ्ठीपत्र आदानप्रदानको काम मोवाइल र इमेल इन्टरनेटबाट हुने गरेको छ । समय सापेक्ष आफ्नो सेवालाई विस्तार गर्न नसक्नु र सोही अनुसारको व्यवस्थापन नहुदा हुलाक सेवा संकटमा परेको हो ।

१३ वटा ईलाक हुलाक, ५९ वटा अतिरिक्त हुलाक मार्फत कपिलवस्तुका जनतालाई सेवा दिदै आएको हुलाक सेवा यसको उदाहरण हो । अहिले मात्र हुलाक सेवाले सरकारी कार्यालय तथा संस्थाका पत्रहरु र बिदेशबाट आउने ब्यक्तीगत सामानहरु बोक्ने गर्छ । वि.स. २०३३ साल देखि शुरु भएको हुलक बचत बैंक न्यून स्तर जनताका २,४ रुपैया बचत गर्ने मात्रे गरिरहेको छ । सम्पूर्ण सेवा ग्राहीलाई हुलाक सेवा प्रयोग गर्न आग्रह समेत गरेपनि अहिलेको सुचना प्रविधिका कारण हुलाक सेवा छायामा परेको कपिलवस्तु जिल्ला हुलाक कार्यलयको भनाई छ ।

जब देखि ईमेल इन्टरनेटले फड्को मा¥यो तब देखी हुलाक सेवा संकटमा पर्दै गयो । यसको विकास र संवद्धनका लागि सरकार गम्भिर हुन पर्ने कपिलवस्तुवासिको भनाई छ ।

हुलाक सेवाको संरचना गाउँ तहसम्म रहेकाले चिठीपत्र पठाउन छाडेपछि हुलाकको नयाँ भूमिकाको खोजी र पुनःसंरचना गरिनुपर्नेे आबश्यकता देखिएको छ ।