समाजका उदाहरणीय पात्र भेजपुरका ब्रिटिस आर्मी (फोटो फिचर)

गणेश विष्ट, भोजपुर ।भोजपुरको टेम्केमैयुङ गाउँपालिका-२ सिरदली र वडा नं -३ मेसपाङका दुई जना भुतपूर्व व्रिटिसआर्मीले व्यवसायीक रुपमा बाख्रापालन गरिरहेका छन् । सिरदलीमा ब्यवसायिक रुपमा बाख्रापालन गरिरहेका सूर्यप्रसाद राईको अम्वा वाख्रापालन फर्ममा १५० बढी बाख्रा छन् ।

राईले अवकाश पाएपछि २०५७ सालबाट व्यवसायिक रुपमा बाखा्र पाल्दै आएका छन् । फर्ममा उनी सहित अन्य दुई जनाले काम गर्दै आएका छन् । १२ रोपनी बढी क्षेत्रफल रहेको सो फर्ममा अहिले, वोयर, स्थानीय खरीजात लगाएतका बाख्रा छन् । व्रिटिस सरकारले त्यहाँ बस्नको लागि दिएको नागरिकता समेत त्यागेरआफुहरु स्वदेश आएर यो पेसा हंगालेको व्यवसायि सूर्य प्रसाद राईले बताए ।

अर्का स्थानीय गोपालचन्द्र राईले पनि अवकाश पाएपछि व्यवसायिक रुपमा कृषि व्यवसाय गरिरहेका छन् । उनले आफ्नै बारीमा सुन्तला, कागती, एभोकार्ड, अलैंची लगाएका छन्, भने व्यवसायिक रुपमा बाख्रापालन पनि गरिरहेका छन् । सेनाको जागिरको अवधी सकिएपछि विभिन्न ठाउँमा गएर व्यवसायिक रुपमा सञ्चालन भएका कृषि फर्ममा अध्ययन गरेर काम गरिरहेको छ । आफूलाई पेन्सनको रुपमा आएको पैसाले राम्रोसंग जिविको पार्जन गर्न पुग्ने भएपनि समाजका मानिसहरुलाई केहि ज्ञान दिन यस्तो कर्म गर्दै आएको गोपाल चन्द्र राई बताउछन् ।

गाउँपालिकाले उनीहरुको कामलाई निकै प्रशंसनिय रहेको बताएको छ । उनीहरुलाई थप उर्जा दिनको लागि उन्नत जातको वोका ल्याईदिनेसंगै प्राविधिक सहयोग गर्दै आएको बताएको छ । उनीहरुले गरेको कामलाई नमूना मानेर अन्य कृषकलाई पनि कृषिमा प्रोत्साहन गर्न टेवा मिलेको वडा नम्वर ३ का वडा अध्यक्ष पूर्ण प्रसाद राईले बताए ।

धेरै स्थानीय युवामा विदेशप्रतिको मोह बढिरहेको वेला यी दुई व्यक्तीहरुले गरेको काम उदाहरणिय रहेको स्थानियले बताएका छन् ।