इटहरी । सुनसरीको इटहरी स्थित इटहरी नमुना कलेजले मंगलबार रक्तदान कार्यक्रम सम्पन्न गरेको छ ।
महिला हिंसा विरुद्धको १६ दिने अभियानको क्रममा कलेजको सामाजीक विभागले रक्तदान कार्यक्रम गरेको हो । क्याम्पस परिसरमा आयोजित रक्तदान कार्यक्रममा एक सय ५४ जना रक्तदाताले रक्तदान गरेका छन ।
मौसम परिवर्तन संगै प्रदेश १ का जिल्लाहरूमा देखिएको रगत अभाव टार्न र महिला हिंसा विरुद्धको १६ दिने अभियानको अवसरमा कार्यक्रम मंगलबार कलेजका बिद्यार्थिहरूले रक्तदान गरेका हुन ।
गर्र्मी याम सकिएसंगै सुरू भएको जाडौ मौसमलाइ मध्यनजर गर्दै कोहि पनि रगत अभावका कारण अकालमै ज्यान गुमाउन नपरोस भन्ने उद्येश्यले थोरै भएपनि रक्तदानबाट रगत संकलन गर्ने अभिप्रायले यो कार्यक्रम गरिएको इटहरी नमुना कलेज अन्तरगत सामाजिक कार्य बिभाग प्रमुख शैलेन्द्र राइले बताए । जाडो लागेसंगै विरामीहरुका लागि आवश्यक पर्ने रगत संकलन कम हुने गरेको भन्दै रक्तसंचार केन्द्रहरुले रक्तदान कार्यक्रम बढाउन आग्रह गर्दै आएका छन ।
प्रत्येक वर्ष बिभिन्न सामाजिक कार्यहरू गर्दै आएको कलेजले सामाजिक उत्तरदायि अन्तरगत मंगलबार एक दिन रक्तदान कार्यक्रम गरीएको कलेज प्रमुख तथा प्राचार्य धर्म न्यौपानेले बताए । कलेजको प्रांगणमा भएको रक्तदान कार्यक्रममा बिद्यार्थिहरूको प्रेसर पनि जाचिएको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
