बलिउड क्षेत्रमा एक पछि अर्को शोक,प्रसिद्ध कोरियोग्राफर सरोज खानको निधन

बलिउडकी प्रसिद्ध कोरियोग्राफर सरोज खानको निधन, २०२० बलिउडका लागि नराम्रो वर्ष साबित

काठमाडौं । बलिउडकी प्रसिद्ध कोरियोग्राफर सरोज खान अब हामीमाझ छैनन्। उनको बिहाबार राती मुंबईमा हृदयघातका कारण मृत्यु भएको जनाइएको छ। खानलाई सास फेर्न गाह्रो भएपछि जुन २० मा बांद्राको गुरु नानक अस्पतालमा भर्ना गरिएको थियो। त्यहि समयमा, अस्पताल भर्ना पछि, सरोज खानको कोविड जाँच पनि गरियो तर उनलाई संक्रमण भने देखिएन ।

सरोज खानको जन्म २२ नोभेम्बर १९४८ मा मुम्बईमा भएको थियो। उनी ७२ वर्षकी थिइन। उनको वास्तविक नाम निर्मला नागपाल थियो। उनले २०० भन्दा बढी चलचित्रहरूको लागि कोरियोग्राफ गरेकी थिइन। सरोज पहिलो सहायक कोरियोग्राफर थिइन, तर उनी १९७४ को फिल्म गीता मेरा नामबाट कोरियोग्राफर भएकी हुन्।

उनले तेजाबु, खलनायक, मिस्टर इंडिया,चालबाज,नगीना,चांदनी, हम दिल दे चुके सनम, देवदास लगायत धेरै नाम चलेका फिल्मोंहरुमा कोरियोग्राफ गरेकी छिन्
। उन्ले अन्तिम गाना फिल्म, कलंकके लिए बाह हो गए को कोरियोग्राफ गरेको थिइन । जसमा माधुरी दीक्षितले नृत्य गरेकी छिन् ।

उसोत २०२० बलिउडका लागि एकदमै नराम्रो वर्ष साबित भएको छ। यसवर्ष एक पछि अर्को धेरै बलिउड स्टारहरूले यस संसारलाई बिदाइ गरेका छन्। पहिले इरफान खान, त्यसपछि ऋषि कपूर र उनीहरूको मृत्युले स्तब्ध भएका मानिसहरूलाई संगीत निर्देशक वाजिद खानको मृत्युको खबरले झनै पिर थप्यो । यसपश्चात सुशांत सिंह राजपूतको आत्महत्याको सबैभन्दा अचम्मलाग्दो समाचार आयो, जसका कारण मानिस अझै पूर्णरूपमा मुक्त हुन सकेका छैनन् । यतिबेला सरोज खानको खबर आएपछि सारा बॉलिवुड शोकमा ड्वेको छ ।