भिम पौडेल, बाँके । बाँकेमा आज एकैपटक ३० जना कोरोना संक्रमित डिस्चार्ज हुँदैछन् । त्यसमा आन्तरिक राजश्व कार्यालयका अधिकृत, नेपालगन्ज उपमहानगरपालिकाका कर्मचारीदेखि मिठाई पसलेका परिवारसम्म छन् ।
सुर्खेत र कञ्चनपुरका दुई–दुईजना तथा दाङ्ग , सर्लाही , प्युठान , र बर्दियाका एक एक जना पनि विहीबार नै डिस्चार्ज हुँदैछन् ।
लायन्स डेन्टल आइसोलेसन सेन्टरबाट १६ जना , आन्तरिक राजश्व कार्यालयमा बनाइएको आइसोलेसन् सेन्टरबाट १० जना र बाँकी आदर्शनगर आइसोलेसन् बाट डिस्चार्ज हुँदैछन् ।
विहीबार डिस्चार्ज भएसँगै बाँकेमा कोरोना भाइरस संक्रमण जित्नेको संख्या चार सय ३५ पुगेको छ । अहिलेसम्म जिल्लामा संक्रमितको संख्या ६ सय ६३ छ । तीमध्ये तीनजना संक्रमितको मृत्यु भइसकेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
