यतिवेला मोबाइलको प्रयोग आवस्यक्ताभन्दा पनि अगाडि बढिसकेको छ । केही अघिसम्म फोन गर्न मात्र प्रयोग हुने मोबाइल अब जीवनका अनेक हिस्साहरुलाई समेटेर अगाडि बढिरहेको छ । हामी सुतेर उठ्दा चाहिने अलार्म होस् या बजारमा केही किनेर पैसा तिर्न नै किन नहोस्, मोबाइलको प्रयोग गरिरहेका छौ । योसँगसँगै केही मानिसहरु त ट्वाइलेटमा पनि मोबाइल लिएर बस्ने गर्छन् । तर, यो स्वास्थ्यका लागि निकै नराम्रो बानी हो ।
अझ कतिपयको त ट्वाइलेटमा जाँदा समेत मोबाइल बोकेरै जाने बानी हुन्छ । जुन हाम्रो लाखि निकै खतरनाक सावित हुन सक्छ । मोबाइल लिएर ट्वाइलेट जाँदा अत्यधिक धेरै ब्याक्टेरिया मोबाइलमा जोडिन्छन् । ट्वाइलेटबाट निस्कँदा हामी हात त धुन्छौँ तर मोबाइल धुन सक्दैनौँ । यस्तो हुँदा त्यहाँबाट ती ब्याक्टेरियाहरु बाहिर आउँछन् जुन हाम्रो पेटसम्म पुग्छन् ।
झन् सार्वजनिक शौचालयहरुमा जसले मोबाइल प्रयोग गर्छ, उसलाई धेरै समस्या देखिने निश्चित हुन्छ । अर्कोतिर हामीले मोबाइल प्रयोग गरिरहँदा मोबाइल तात्ने भएकाले ब्याक्टेरियाहरुलाई त्यहाँ सहज वातावरण हुन्छ जुन पछि हामीलाई समस्या बन्छन् ।
त्यसैले ट्वाइलेटमा मोबाइल प्रयोग गर्ने बानी जति सक्दो चाँडो छाड्नुपर्ने चिकित्सकको सुझाव छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
