काठमाडौं ।
काठमाडौंको सुकेधारामा सोमबार बिहान एउटा गाडीले पशुपति क्याम्पस चावहिलमा बीबीएस चौथो वर्षमा अध्ययनरत सृष्टि पन्तलाई ठक्कर दियो ।
विद्यार्थीका अनुसार ठक्कर दिएपछि गाडी रोकिएन, अघि बढ्यो । पन्त अध्ययनरत पशुपति क्याम्पसमा विद्यार्थी आक्रोशित भए । र उनिहरुले क्याम्पस अगाडि सडकमा गुड्दै गरेका अन्य गाडीमा तोडफोड र आगजनी गरे ।
प्रहरीका अनुसार विद्यार्थीले गुड्दै गरेको एक बसमा आगजनी गरेका छन् । जुन बस कामै नलाग्ने अवस्थामा पुगेको छ । अर्को एउटा बसमा पनि तोडफोड गरेको प्रहरीले जनाएको छ ।
प्रहरी भन्छ, सुकेधारामा बा ७ ख ५९३० नम्बरको गाडीले पन्तलाई ठक्कर दिएको थियो । तर, विद्यार्थीहरुले बा ४ ख ७१०१ नम्बरको बसमा आगजनी गरेका छन् भने बा ३ ख ४४३३ नम्बरको बसका सिसा तोडफोड गरिदिएका छन् ।
यसको अर्थ विद्यार्थीले एउटा गाडीमा आगजनी गरेका छन् भने अर्को गाडीमा तोडफोड । विद्यार्थीलाई ठक्कर दिने गाडी र चालकलाई भने प्रहरीले नियन्त्रणमा लिएको छ । गाडीको ठक्करबाट गम्भीर घाइते भएकी पन्तको उपचारका क्रममा मृत्यु भएको छ । पन्त बीबीएस चौथो वर्षमा अध्ययनरत विद्यार्थी भएको प्रहरीले जानकारी दिएको छ ।
नेविसंघका पूर्वकेन्द्रीय सदस्य चेतन थापा मगर र राकेश श्रेष्ठलाई प्रहरीले पक्राउ गरेको छ । त्यसको विरोधमा नेविसंघले प्रदर्शन गरेको छ ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
