वीरगञ्जमा थप ३७ जनामा कोरोना भाइरस संक्रमण पुष्टि

आरोहण शाह, वीरगन्ज । वीरगन्जको नारायणी प्रयोगशालामा रौतहटका २२ जनासहित थप ३७ जनामा कोरोना भाइरसको संक्रमण पुष्टि भएको छ। वीरगन्ज स्थित नारायणी अस्पतालको प्रयोगशालामा मंगलबार राति पिसिआर परिक्षण गर्दा पर्सा, बारा र रौतहट गरि ३७ जनामा संक्रमण देखिएको छ ।

विभिन्न ठाउँबाट स्वाब संकलन गरि प्रयोगशालामा पिसिआर परिक्षण गर्दा ९ जना महिला र २८ जना पुरूषमा संक्रमण पुष्टि भएको नारायणी अस्पतालका प्रवक्ता डा.अतुलेश कुमार चौरसियाले जानकारी दिए । उनको अनुसार थपिएको संक्रमितमध्ये पर्सा जिल्लाको ६ जना रहेका छन् भने बारा जिल्लाको ९ र रौतहट जिल्लामा २२ जना रहेका छन् । संक्रमण देखिनेमा ४ वर्षदेखि ६७ वर्षका वृद्ध समेत रहेका छन् ।

संक्रमण पुष्टि हुनेमा रौतहटका २२जना दुर्गा भगवती गाउँपालिकाको वडा नम्बर ५ का बासिन्दा रहेका हुन । त्यस्तै पर्सामा थपिएका संक्रमित मध्ये ३ जना महिला र ३ जना पुरूष रहेका हुन । संक्रमित हुनेमा पर्साको वीरगञ्ज महानगरपालिका वडा नम्बर ११ का दुई जना र वडा नम्बर २८ र ३२ का एकरएक जना रहेका छन् भने पटेर्वा सुगौली गाउँपालिका वडा नम्बर ८ र चैनपुर वडा नम्बर ८ का एकरएक जना रहेका छन् ।

त्यसैगरी बाराको जिल्लाको कोल्भी गाउँपालिकामा ३ जना संक्रमित थपिएका छन् भने कलैया उपमहानगरपालिका वडा नम्बर ९ र १९ मा एकरएक जना रहेक हुन् । जितपुरसिमरा उमहानागरपालिकाको वडा नम्बर २, बारागढी गाउँपालिका र अमौरो टोखनी वडा नम्बर २ मापनि एकरएक जनामा संक्रमण पुष्टि भएको छ ।

बारागढीस्थित इलाका प्रहरी कार्यालयमा समेत एक जनामा संक्रमित भएका हुन् ।