काठमाडौं । राष्ट्रिय प्रजातन्त्र पार्टीले संखधर शाख्वा देशको मौलिक संस्कृति र सभ्यताको धरोहर र राष्ट्रिय विभूति भएको बताएको छ । सोमबार एक विज्ञप्ति जारी गर्दै सो पार्टीले यस्ता व्यक्तित्वहरु समस्त नेपालीका आदरणीय भएकाले उनीहरुको सम्मान राष्ट्रले सम्मान गर्नुपर्ने बताएको हो ।
‘यस क्रममा उनीहरुको नामबाट देशका विभिन्न संस्था, योजना, संरचना र उपलब्धिको नामाकरण हुनु स्वाभाविक भन्ने हामी ठान्दछौँ,’ राप्रपाद्वारा जारी विज्ञप्तिमा भनिएको छ, ‘तर, यसक्रममा दशकौँदेखि नामाकरण भएर आएका संरचनाको नाम आज अचानक बदल्नु उचित होइन ।
’ नेपाल राष्ट्र निर्माण र नेपालको राष्ट्रिय एकता र राष्ट्रियताको संरक्षणमा वडा महाराजा पृथ्वी नारायण शाह, राजा महेन्द्र र बिपी कोइराला अग्रस्थानमा रहेको उल्लेख गर्दै राप्रपाले उनै राजा महेन्द्रको रानी मुमा वडामहारानीको नाममा झण्डै आधा शताब्दीदेखि नामाकरण गरिएको रत्न पार्कको नाम बदल्नु अनुचित रहेको बताएको छ ।
‘हाल महानगरपालिकाले रत्नपार्कको नाम बदल्ने निर्णय अविवेकी र गलत छ । हाम्रो माग छ । संखधरको नामबाट अझ भब्य साँस्कृतिक÷ऐतिहासिक संरचना बनाइयोस त्यस बखत मात्र उनिप्रति हामीले सही रुपमा सम्मान गरेको ठहरिनेछ,’ सो विज्ञप्तिमा भनिएको छ, ‘यस परिप्रेक्षमा काठमाण्डौ महानगरपालिकाको वर्तमान अविवेकी निर्णय तुरुन्त फिर्ता गरियोस् ।’
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
