काठमाडौं । राष्ट्रिय प्रजातन्त्र पार्टीले आज झापामा मोटरसाइकल र्यालीसहित शक्ति प्रदर्शन गरेको छ । संवैधानिक राजसंस्था पुनः स्थापनको माग गर्दै हजारौँको संख्यामा ¥यालि प्रदर्शन गरेको हो ।
हिन्दूराष्ट्र र संवैधानिक राजसंस्थाको पक्षमा उभिएको राष्ट्रिय प्रजातन्त्र पार्टीले १० हजार मानिसलाई सडकमा उतारेर राजसंस्था र हिन्दूराष्ट्रको पुनःस्थापना, संघीयताको खारेजी, भ्रष्टाचार नियन्त्रण, कोरोना व्यवस्थापनमा सरकारको असक्षमता, लगायत जनजीविकासँग सम्बन्धित विषयमा केन्द्रीत रहेर झापामा आज शक्ति प्रर्दशन गरेको हो ।
प्रदर्शनका लागि जिल्लाका १५ वटै स्थानीय तहबाट नागरिकहरु पूर्वी नाका काँकडभिट्टामा भेला भएका थिए। दिउँसो साढे २ बजे काँकरभिट्टाबाट एकीकृत र्याली प्रारम्भ भएको थियो। बिर्तामोडमा भएको कार्यक्रममा राप्रपाका नेता तथा प्रतिनिधि सभा सदस्य राजेन्द्र लिङदेनले शनिवारको प्रदर्शन मात्र शुरुवात भएको चेतावनी दिदै भने ‘यो प्रदर्शन कास्टिङ मात्र हो, क्लाइमेक्स आउन बाँकी नै छ।’
राजसंस्था तथा हिन्दुराष्ट्र देशमा आजको आवश्यक्ता भएको भन्दै नेता लिङदेनले जन स्तरबाट आवाज उठ्न थालिसकेकोले यस्तो किसिमको ¥यालिले राजा छिट्टै आउने संकेत गरेको समेत बताए ।
¥यालिमा पूर्व मन्त्रि रामकुमार सुब्बा, पूर्वमन्त्रि टेकनारायण राजवंशी, नेता राम थापा, भक्ति सिटौला, रामु पोखरेल लगायतको समभागिता रहेको थियो ।
प्रतिक्रिया दिनुहोस
Copyright © 2019 / 2024 - Kalapanimedia.com All rights reserved
